霸嗎拉麵 (金巴利道)

Open Now

Now Closed

網友話霸嗎拉麵好食，有原粒流心蛋，咁啱出巡尖沙咀，就黎食下。無叫豚肉，要左雞叉燒。新鮮炮製，所以都等左一陣。一上枱，第一時間飲左啖湯，零驚喜加少許失望，好咸似味精水，加少少麻油味。食啖麵又無特別軟熟或麵香... 🤷🏻‍♀️不過個精萃原來只在於隻流心蛋同雞叉燒果度。嘩，流心蛋由內至外都咁軟滑，咬開之後香濃既蛋黃一湧而出🤩 雞叉燒亦有新鮮雞味，香口得黎非常嫩滑 🤤 餸料咁好，但無靚湯底同靚麵配搭，真係好可惜，猶如最佳球員遇上豬隊友，踢唔到一場好波，令觀眾大失所望。搵一碗好既拉麵真係難，雖然唔算伏，但可以更好。紙巾用黎抹失望既眼淚😢