小曼谷泰國美食 (南角道)

Open Now

Now Closed

九龍城雲集泰國菜嘅靈魂，開到成行成市，想必眾所週知。朋友有次嚟話呢間小曼谷食咖哩軟殼蟹法包，食完想再食一次，於是今日就同朋友一行4人嚟呢度食晚飯聚一聚！除咗呢樣，我地仲叫咗蒸魚、豬頸肉、冬蔭功、鳳爪，當然少不得椰青。佢上菜速度都好快，叫得咁多，我地坐張6人檯都只係剛剛好放得晒。😂先講慕名而來嘅咖哩軟殼蟹法包，咖哩唔係純咖哩，應該有落更多配料，有蛋香甚至蟹膏嘅口感；可想而知，呢個汁配上法包、軟殼蟹，甚或至叫咗嘅其他餸都好好送，美中不足是醬汁上檯嘅時候只是微暖，熱啲就更好了！其他餸菜都好不錯，維持中上水準，特別講一講豬頸肉，火候控制得好好，外面脆身有炭烤味，入面仍然滿滿肉汁，配搭酸甜嘅汁亦會好開胃。本身諗住叫埋芒果糯米飯，但⋯真係太飽了，下次一定要留肚食埋！咖哩軟殼蟹法包賣相：⭐️⭐️⭐️⭐️⭐️味道：⭐️⭐️⭐️⭐️（熱啲俾多粒⭐️）價錢：⭐️⭐️⭐️豬頸肉賣相：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️