阿叔泰麵 (西菁街) (Closed)

之前見到網上推介，今晚經過竟然咁岩有位，店舖雖小，大約20多個座位，經常爆滿，裝修非常特別，牆上的壁畫好靚好吸晴，天花仲吊住水槍做裝飾，入到去已經聞到陣陣船麵的香味。牛肉船麵$58湯底濃厚，非常鮮甜，有牛腩、牛丸、炸豬皮、通菜碎和芽菜，麵底選了金邊粉，非常夾。冬蔭公湯麵$58冬蔭公湯都幾辣，但辣得來亦香口，有蝦、青口、蟹柳和麵筋，麵底選了河粉，這裡的河粉是一大塊的，跟平常吃的不一樣，很特別，而且口感好滑。炸豬皮$18豬皮炸了之後非常爽脆，就像在吃蝦條一樣，而將炸豬皮放到湯裡，就變得煙韌，咬落非常有口感，一款炸豬皮也有兩款食法﹗青檸梳打$24泰國品牌的梳打水，再配一杯冰和青檸，非常地道的味道。