來自曼谷的泰國菜餐廳-Greyhound Café,中環 IFC環境比較舒適幽靜,地方大, 裝修以黑白色為主調, 我們晚上七點正準時入坐,Book左有海景的長梳化嘅檯, 一邊嘆著豐富的晚餐-泰國fusion菜,一邊欣賞海景, 一邊閒聊…很寫意.....
我地先點了特色檸檬茶, 茶味啱啱好, 吾太甜, 吾太酸,一片青檸加上用檸茶造的冰,茶味更香濃很refreshing.
友人點了藍色的藍菊茶,幾特別，她說比一般的菊花茶更香濃，覺得幾得意,又可以refill.
頭盆我們選了:
招牌脆炸單骨雞翼, 一分爲二方便食,熱哄哄的, 外面很香脆, 有點鹹香 ,裏面肉質保持嫩滑, 非常好味,不愧是招牌菜.
薄切三文魚配泰式辣汁
賣相很美,三文魚夠新鮮，泰式辣汁酸酸辣辣加香草汁同蒜片 , 帶出魚的鮮味 ,味道出奇地夾,十分清新開胃.
秘製辣肉醬手包粉卷
我地都幾鍾意呢個菜 , 可以自己遂層咁包 , 生菜裏面放入熱的粉皮及芫茜, 再放肉醬 每層不同餡料，感覺幾特別，我放些少辣汁帶出食物的鮮味, 很惹味.
跟住係主菜:
鮮蝦炒金邊粉
配料用上大蝦, 金邊粉, (芽菜生了點) 豆干和香口的花生碎
蝦很新鮮蝦爽口彈牙,金邊粉夠煙韌,揸些青檸汁落去味更鮮….
友人揀泰式銀魚柳意粉, 我試了少許, 有芝士味, 味道儂郁
又揀了香草辣椒炒雞肉碎配白飯, 已經冇落魚露,我試了少許, 覺得略咸 感覺一般.
最後食我地嘅至愛係-- 甜! 品!
我地就揀左芒果芭菲 ,
面層係椰子雪芭, 夾着椰青肉 , 好有嚼口 , 味道清新,
中間果層係芒果 , 啖啖芒果肉, 吾酸好好味
最底果層係糯米飯有椰子味,好正,三層口味,越食越精彩
Mango crepe cake有一層層有芒果肉, 感覺一般,淡左d
coconut crepe cake椰子千層旦糕,很特別，蛋糕藏了好幾層新鮮的椰青，新鮮香甜. 班戟層塗上香滑椰漿, 很有口感，個感覺好fresh,好香椰子味, 甜得令人歡喜….
大約9點鍾, 看見外面還有很多人輪候…因為明天是假期. 這裏的顧客多數是年青人,也有不少外籍人仕. 我覺得食物,環境和服務都不錯! 很適合工放後三五好友gathering的好地方.食到10點鍾,很滿足地回家去.
