Menu📔選擇都幾多，但係今次我地叫咗2️⃣份2️⃣人餐，一來見到做緊優惠，二來當然係個沙律吧🥗啦。2️⃣人餐一共有2️⃣款價錢，分別係$488/2和$688/2，我地選擇咗前者，平均$244一個人包埋沙律吧，我覺得幾抵下🥰。
1
二人餐 $488/2人
沙律吧：
雖然選擇唔算多，有青木瓜沙律、薯仔沙律、幾款本地有機蔬菜、泰式沙律、燈籠腸和新鮮生果等等，但全部真係好新鮮😍，生果🍉又好甜，印象最深係個麵包粒🍞，呢度嘅麵包粒全部做到外脆內軟，後來問了店員，原來餐廳嘅麵包粒係師傅👨🍳每日即整再切粒，唔似其他餐廳用現成貨嘅👍。
是日餐湯：
南瓜湯 - 每朝新鮮打磨，完全無加忌廉，所以整個湯雖然唔夠creamy，但就充滿南瓜味😋。
主菜：
香濃芝士意大利飯配香煎帶子
意大利飯煮得剛剛好，軟硬適中，而且啖啖充滿芝士味🧀。帶子採用北海道帶子，煎成半生熟，外層焦香🥰，但肉質仍然保持嫩滑與鮮甜😍。
風乾火腿薄餅
風乾火腿🥓係即切的，所以仍然保留住火腿嘅油分和味道。Pizza🍕焗得香脆，連埋火煎菜🥬和充滿鹹香味嘅火腿🥓，非常好味😋。
慢煮豬肋骨配自家製燒烤醬配薯條 +$50
豬肋骨🐖煮得剛好，輕易做到骨肉分離😂。自家製燒烤醬味道偏向甜，加上小茴香味，令整個汁層次非常豐富😍。
紐西蘭牛柳配香滑薯蓉，油浸車厘茄 +$100
由於沒有車厘茄🍒，所以用露筍🥒代替。牛柳🐂我要7️⃣成熟，煎得剛剛好，略現粉嫩色，配以少量燒汁，非常好食😋。
飲品：
跟餐奉送凍/熱桃茶🍑，亦可以用半價轉餐牌📔上其他飲品。
招牌椰王焦糖燉蛋 $98
賣相已經相當一流，椰王🥥內的燉蛋🥚除了嫩滑外，還多了椰子的香味，加埋上層焦糖又薄又脆🥰，包你一試愛上😍。最後食完嫩蛋，唔好唔記得食埋入面啲椰肉，真心好食😋。
總括而言，餐廳環境舒適，又有露台座位，一大班朋友嚟gathering都真係唔錯。另外店員服務貼心，又會細心講解每一道菜式。臨走時無意中發現餐廳嘅Lunch Menu📔，價錢合理，又幾吸引，下次要嚟試下先🥰。
1
