Video
Read full review
2015-06-24
551 views
有少部份泰國基因嘅我，上星期先自己挑戰整泰式鳳爪，今日就同班嗜辣既朋友黎挑戰泰國菜，發掘泰國之樂園，為之後既泰國trip打打底。柚子蝦沙律依家天氣好熱，開胃菜最啱食啲有涼又好味嘅沙律。柚子蝦沙律都算係泰國菜必叫，因為呢款菜集齊鹹(魚露)、酸(青檸）、甜(柚子）、辣（辣椒）既味道，最鐘意嗰啲炸香咗嘅乾蔥同埋蒜頭碎，柚子超甜多汁。椰汁雞湯同冬陰公嘅材料基本上係一樣，入口舒服，因為微辣，而且充滿椰奶同南薑嘅香味。生醃奄仔蟹 （必試招牌菜！！！）生蟹除左醬油蟹真係無試過，今次泰式真係第一次，奄仔蟹蟹膏鮮黃色好多好肥美甘甜，而且蟹肉鮮甜嫩滑，可以直接吸入喉嚨，大量蒜片、辣椒同蒜蓉可以提升其鮮度。泰式海南雞上桌一見係超黃既黃油雞，外皮具光澤，雞肉超滑及非常夠味，加埋佢個泰式辣醬及薑蓉真係無得頂！辣爆海旋風呢個辣椒醬係餐廳秘製，我地order左特辣，一撈見到紅油滿佈同粒粒既辣椒籽，真係睇見到興奮。東風螺索曬辣椒汁，肉質爽滑，超正！南瓜海上鮮原個鮮南瓜整，海上鮮有大頭蝦、魷魚同魚柳等，呢個係較杰身d有加蛋既紅咖喱，入口比較帶甜，同海上鮮相襯，岩怕辣d既朋友，而且送飯一流啦!魚生拼盤各款刺身都可以配豉油
柚子蝦沙律
依家天氣好熱，開胃菜最啱食啲有涼又好味嘅沙律。柚子蝦沙律都算係泰國菜必叫，因為呢款菜集齊鹹(魚露)、酸(青檸）、甜(柚子）、辣（辣椒）既味道，最鐘意嗰啲炸香咗嘅乾蔥同埋蒜頭碎，柚子超甜多汁。
椰汁雞湯
同冬陰公嘅材料基本上係一樣，入口舒服，因為微辣，而且充滿椰奶同南薑嘅香味。生醃奄仔蟹 （必試招牌菜！！！）
生蟹除左醬油蟹真係無試過，今次泰式真係第一次，奄仔蟹蟹膏鮮黃色好多好肥美甘甜，而且蟹肉鮮甜嫩滑，可以直接吸入喉嚨，大量蒜片、辣椒同蒜蓉可以提升其鮮度。泰式海南雞
上桌一見係超黃既黃油雞，外皮具光澤，雞肉超滑及非常夠味，加埋佢個泰式辣醬及薑蓉真係無得頂！辣爆海旋風
呢個辣椒醬係餐廳秘製，我地order左特辣，一撈見到紅油滿佈同粒粒既辣椒籽，真係睇見到興奮。東風螺索曬辣椒汁，肉質爽滑，超正！南瓜海上鮮
原個鮮南瓜整，海上鮮有大頭蝦、魷魚同魚柳等，呢個係較杰身d有加蛋既紅咖喱，入口比較帶甜，同海上鮮相襯，岩怕辣d既朋友，而且送飯一流啦!魚生拼盤
各款刺身都可以配豉油或者泰式海鮮酸辣汁我既首選係蟶子，超爽口甜美；生蝦排第二，肉質鮮爽，點辣汁加埋辣椒蒜，讓條脷刺激一番，正；帶子厚身肥美；象拔綁則普通。
蝦醬炒飯
個蛋網做得好靚，黃金甲咁包住d炒飯，唯一一度唔係辣既菜，非常惹味開胃，食落淡淡既蝦醬味，愈食愈出。綿綿冰
天氣真係好熱，食完啲泰國菜個口真係有啲辣，所以叫咗啲甜品來試吓解下暑。西瓜可以話係夏日必備，而且宜家當造。真係估唔到一間泰國餐廳可以做出咁好味嘅綿綿冰，每個都原個西瓜上架，分別有四種口味：豆腐、益力多、榴連、芒果！
份量好大，豆腐味既綿綿冰超濃，好似食緊豆腐咁啦，而且綿綿冰真綿真滑，無硬塊或雜質，真係好好味，完全喜出望外!
死啦，次次食完泰國野都思鄉，暑假又去泰國一轉？
Post
