新泰東南亞餐廳 (Closed)

係灣仔附近行完街之後食埋晚飯，宜家呢個世代嘅人有邊個鍾意係屋企煮飯，又要買餸又要洗碗⋯不過出得嚟食當然食啲特別野，如果唔係俾錢都覺得唔抵。泰國菜，一於叫晒所有都係泰國風味嘅食品！泰式凍咖啡＄38可以自己溝奶，甜甜地同香港咖啡好唔同，質感都好香滑，味道偏甜大大杯很不錯。冬陰公＄138 大大約夠四至六人飲用，如果每人想飲多啲嘅話亦都可以叫大的冬陰公，對面香料十足真係好好味，有啲地方掛名冬陰公湯底但係裏面得少少酸辣而冇香味，真係揸流攤⋯依間都算係我心目中嘅頭三名，甜酸辣都有齊！裏面仲有啲開咗嘅海蝦同埋蘑菇，非常足料。泰式菠蘿炒飯＄108提子、紅蘿蔔、粟米、臘腸、菠蘿粒和肉鬆。亦是另一個非常足料的的選擇，裏面有中國風味臘腸，不過味道偏甜，好容易入口。每一粒飯都好「黃」，又有菠蘿味又有少少咖喱味。腰果仁肉鬆吊起鹹香鮮味。裏面仲有少少蝦仁，叫做有少少肉食。洗費唔算好高，叫做有泰國特色，味道亦不錯值得一戰。