Greyhound Café (PopCorn) (Closed)

屋企樓下的greyhound cafe 係我一直想試嘅餐廳，見到裝修都幾有格調，原來其他分店都係一啲比較高檔嘅商場。今日嚟到一間喺泰國開過嚟嘅過江龍，叫咗幾款比較特色嘅菜。冬陰公意大利雲吞冬陰公加上咗大頭蝦，蝦肉都幾多！另外，有三隻意大利雲吞。不過皮比較硬，所以有啲失望。另外冬陰公湯底唔夠酸，唔算係太滿意。帶子大蝦墨汁麵講得係泰國開過嚟嘅Cafe，食物當然會加上少少泰國的味道。這一個看似一個普通西餐的意粉，原來唔係想像中咁簡單。加了泰式胡椒，所以食落去有啲辣味，幾刺激。加上煎香左嘅帶子以及大廈蝦，墨汁麵煮得恰到好處，而且唔會過淋。食落去有好清淡嘅泰國味道。最後當然唔少得餐廳最代表的千層蛋糕，有乜嘢味道出能夠代表泰國相信除咗係班蘭味之外，就係泰式奶茶了。千層蛋糕都幾大件，食之前淋上小店提供的泰式奶茶醬，味道豐富，而且唔會太甜，不過crepe皮比較厚，食完飯的話，建議兩個人share會比較好。食完好滿足，而且店員嘅招呼都非常之好。食飯嘅環境都比較寧靜，啱晒兩口子傾下心事。