小曼谷泰國美食 (教育路) (Closed)

好耐無食泰國菜，呢日就同另一半嚟到呢間位於元朗教育路嘅《小曼谷泰國美食》食晚飯。餐牌厚厚一本，圖文並茂，選擇又多又清晰。明爐香檸汁蒸桂花魚 ($208) - 以明爐一直加熱上枱，可以保持魚肉嘅温度。桂花肉質新鮮嫩滑，配以酸酸辣辣嘅香檸汁，令魚肉更加鮮美。咖喱炒虎蝦 ($178) - 虎蝦大隻十分香口，肉質爽彈有蝦味，配上香滑惹味咖喱汁，滋味之選。鮮芒蟹肉炒飯 ($84) - 炒得乾身夠鑊氣唔油膩，加上鮮味蟹肉、香甜芒果肉及多款爽口蔬菜做配料，味道豐富又好食。芒果椰汁沙冰 ($36) - 芒果味濃，口感幼滑，芒果控必試！青檸菠蘿沙冰 ($36) - 以清新嘅青檸配香甜菠蘿，味道酸酸甜甜，清新解渴。呢間餐廳選擇多多，食材新鮮，味道好，我哋會再嚟幫襯。