佢哋有個$428既二人套餐...但係只可以係六個main course裏邊揀選一個dish! 而我哋又好想試哂朋友之前推介嗰兩個菜(分別係燒菠蘿蟹肉炒飯, 同香茅斑蘭青咖喱雞扒)...所以最終都係選擇散叫! 個飯配有肉鬆菠蘿同提子味道有啲酸酸甜甜..真係炒得好香! 另外個香茅青咖喱咖雞扒真係冇得頂👍個汁攞嚟配薄餅或者撈飯簡直係絕配😋拼盤我哋就order左一個細size..有雞翼, 炸魚旦, 魚餅, 同蔗蝦(每款每人一件). 呢個拼盤味道不錯, 但價錢要$92...感覺份量有點小!
佢哋啲特式手工飲品都極具創意! 尤其個碟豆花奶蓋...從玻璃杯外看好似一幅油畫..有啲似藍天白雲! 😂而三色冰奶蓋上面就放咗一啲粉紅粉綠色既棉花糖做點綴...幾特別!
