Boholic

Open Now

Now Closed

朋友推介，佢話長沙灣有間靚靚打卡餐廳，嘢食都OK，今晚得閒就約朋友去食吓飯先。餐廳門面同內裡吹波希米亞風格，裝修清新簡約，就咁睇已經有兩個打卡位，而我哋黎到見到都已經有好多人。餐牌都幾多選擇，好多嘢都好想食。最後我哋叫左個芝士火鍋、意粉同甜品。三重特濃芝士火鍋：呢個係seasonal special，冬天食最好，一路食，一路keep住warm。配料有咸牛舌、西蘭花、斑蘭&竹炭麵包、蝦、薯仔&車厘茄等。芝士口感比較creamy，幼滑，食落又唔覺得漏。而咸牛舌同芝士就最夾，其餘配料點芝士食都一樣好食。珍寶軟殼蟹溫泉蛋芝士忌廉意大利麵：唔係講笑，軟殼蟹真係幾大隻。剛炸起，咬落有輕脆感。意粉煮得夠彈牙，配上溫泉蛋汁同芝士忌廉汁，淡淡地，都幾好味。法式焦糖卡士達梳乎厘班戟：賣相好靚，打卡一流。有兩塊厚厚梳乎厘，蛋味香濃，入口軟綿綿，旁邊係卡士達醬，另外用焦糖鋪面，味道甜甜地又算唔太甜，唔錯。