我哋叫咗一個招牌磯煮鮑魚手撕口水雞配日式珍珠飯 ($128)😌cafe有口水雞食真係好特別🤣賣相好吸引，將雞絲撈落帶有麻醬嘅辣汁，都幾醒神，亦都真係想像唔到自己身處cafe😂鮑魚都算幾大隻爽口，食完成個飯都好滿足～
另外叫咗香煎蝦肉燒菠蘿冬蔭功意大利麵 ($128)～呢個份量超多，食極都有🤣蝦算係彈牙嘅，但我覺得冬蔭功味略淡，唔夠酸唔夠辣，可能我平時食得比較重口味～有燒菠蘿幾有心思，加返啲分😋
嚟到呢度點都要叫返個甜品，法式焦糖卡士達梳乎厘班戟 ($128)🥞我哋叫起，見佢寫15-30分鐘，仲食緊主食就已經叫佢整，點知催咗幾次，夾埋都等咗40分鐘先到🥲🥲不過一食，真係覺得等咁耐都值得🥲佢份量好大，食落口超級鬆軟，仲要好濃蛋味，係好好食嘅梳乎厘～上面嘅醬份量好足，我覺得卡士達味只係少少，但焦糖味相當濃，加埋班戟真係超有驚喜😋
呢間餐廳甜品真係好出色，主食都合格嘅，如果大家叫甜品都留意返時間呀～
