Video
Read full review
2025-07-28
367 views
之前淨係食過Tera嘅Pancake, 有埋咸食嘅ZEN by Tera真係未食過，佢嘅食物種類都好多選擇，花多眼亂，我都係叫個定食2人前算啦😂定食2人前 $498頭盤可以喺蟹肉蟹籽沙律，枝豆同味噌湯呢三個選擇裡面任揀兩樣，我緊係要咗頭兩樣啦，感覺好似抵啲😂小食可以6選1，我哋揀咗🐔炭燒雞串，有6件，總共兩串，其實份量都幾多，感覺唔只六件，甜甜哋幾惹味。下次想食明太子玉子燒😍或者牛油清酒煮蜆😋主食可以9選2， 我哋揀咗🐮美國安格斯牛肉月見丼，仲有🐷吉列豬鞍白咖哩烏冬， BTW點解我哋會揀咗咁多肉😂 個安格斯牛輕燒過，上面鋪滿芝麻，撈勻個蛋黃一齊食，好滑溜好有牛味，餸飯一流。白咖哩烏冬好壯觀，將白雪雪嘅忌廉同底層嘅咖哩撈埋一齊，感覺都幾澎湃，吉列豬扒份量仲好多添。雖然已經好飽，但冇理由唔食依度最出名嘅甜品𠺢😅因為個餐加98蚊就可以叫任何一款pancake，同埋原來叫依個餐仲免費送刨冰🤩我哋揀咗超靚超夢幻嘅紫薯芋泥麻糬pancake，真身仲靚過menu，成件藝術品咁，紫色好靚靚😍 有三大件 pancake, 好重蛋香🥚，而且佢嘅pancake食落唔會一陣風咁，好有質感，都幾有紫薯味，同埋碟
定食2人前 $498
頭盤可以喺蟹肉蟹籽沙律，枝豆同味噌湯呢三個選擇裡面任揀兩樣，我緊係要咗頭兩樣啦，感覺好似抵啲😂
小食可以6選1，我哋揀咗🐔炭燒雞串，有6件，總共兩串，其實份量都幾多，感覺唔只六件，甜甜哋幾惹味。下次想食明太子玉子燒😍或者牛油清酒煮蜆😋
主食可以9選2， 我哋揀咗🐮美國安格斯牛肉月見丼，仲有🐷吉列豬鞍白咖哩烏冬， BTW點解我哋會揀咗咁多肉😂 個安格斯牛輕燒過，上面鋪滿芝麻，撈勻個蛋黃一齊食，好滑溜好有牛味，餸飯一流。白咖哩烏冬好壯觀，將白雪雪嘅忌廉同底層嘅咖哩撈埋一齊，感覺都幾澎湃，吉列豬扒份量仲好多添。
雖然已經好飽，但冇理由唔食依度最出名嘅甜品𠺢😅因為個餐加98蚊就可以叫任何一款pancake，同埋原來叫依個餐仲免費送刨冰🤩我哋揀咗超靚超夢幻嘅紫薯芋泥麻糬pancake，真身仲靚過menu，成件藝術品咁，紫色好靚靚😍 有三大件 pancake, 好重蛋香🥚，而且佢嘅pancake食落唔會一陣風咁，好有質感，都幾有紫薯味，同埋碟側邊仲有啲好好味嘅糖。嚟到依度仲未完𠺢，因為仲有個免費刨冰送🤣 我哋揀咗期間限定嘅楊枝甘露味，裡面好多料，有🥭芒果肉，芒果星鑽，小丸子，紅柚肉，面層仲有海鹽芝士奶蓋， 仲可以自己淋芒果汁，真係超有儀式感，天氣太熱都溶得幾快，我哋又食得慢😂不過唔緊要，當佢係楊枝甘露甜品咁樣飲，一樣咁好味😋
凍荔枝椰果烏龍茶
荔枝味好突出，清新，飲完好爽！
凍青檸桂花鳳凰單叢
青檸帶少少酸，桂花香味好夠，單叢茶底夠醇，幾層味道好夾，解暑一流！
希望佢會開多啲分店啦，因為我仲有好多嘢想食😋
評分：最高為5分
治癒度：👩⚕️👩⚕️👩⚕️👩⚕️👩⚕️
抵食度：💉💉💉💉
翻兜指數：🩺🩺🩺🩺🩺
禪 ZEN by Tera
沙田正街18-19號新城市廣場一期1樓109號舖
📍港鐵沙田站 A3 出口3分鐘路程
#healingbobo #foodie #hkfoodie #foodiehk #香港 #美食 #香港美食 #沙田美食 #沙田 #Shatin #新城市廣場 #NewTownPlaza #朋友聚會好去處 #情侶約會餐廳 #吃貨日記 #打卡美食 #香港美食地圖 #沙田新熱點 #pancake #晚餐吃什麼 #晚餐 #禪 #ZENbyTera
Post
