位於一間小酒店內的西餐廳，上到去餐廳面積比想像中小，不過勝在樓底夠高，顯得空間感足。【慢理牆城】裝修很有格調，全店以啡及綠色為主調，並有幅植物牆以木箱襯托及一些小擺設。打造成一個藝文森林空間，令人感覺放鬆，雖然是一個影相打卡好地方。
但係唯一缺點是枱櫈間略顯密麻，跟隔壁太近了。
餐廳內的架上和一些地方都放有小擺設，大至多隻有大有小的動物裝飾，少至一些綠色植物十分可愛。襯起灰泥牆氣氛十足，感覺不錯。
餐牌以西餐為主供應「全日早餐、意粉、意大利飯、小食、甜品等，烹調不同款式的健康食品及飲料」。入面名稱帶點別緻及跳皮，整體是特別受女性顧客歡迎啊！
.
餐具以古銅色的刀、叉、匙羹造型，襯番呢度是酒店內的西餐廳高雅再配上色彩斑斕的圖案碟子，好有一種呢度歡樂既森林為主題。
小食拼盤(細) $168 份量都好多，「有炸薯條同蕃薯條再配2隻炸雞翼，2條芝士條，2條德國腸，醬汁是蕃茄醬同酸忌廉醬」。
除咗有薯條外，仲有炸甜薯條，𠵱款相對少見！美國甜蕃薯條散發出蕃薯天然甜味兩種條類條條粗粗的有口感，十分開胃。吃時蘸點茄汁，很快便所餘無幾了。
仲有炸芝士條，好邪惡！😈外脆內軟，熱辣辣，新鮮炸起特別好食！要第一時間食喔！可以做到拉絲效果，芝士味重。
不過炸雞翼相對地油了一點點！但係好大隻出面有層辣粉，味道唔太辣但有點咸，要不停飲水！點小小醬好吃一點。德國腸正正常常，無咩特別呢。
「七色意大利飯」呢個Terms，好吸引，每一個飯被冠上一種顏色，每種顏色代表一樣食材，點了深綠代號就是「牛油果忌廉蟹肉意大利飯」。
牛油果忌廉蟹肉意大利飯 $168賣相誘人，牛油果砌成花形，好有心思。堆得高高，就像一座小山的意大利飯，相信都是被打於行先，山頂上的蟹肉份量也不少，鮮味十足，吃到蟹肉應有的鮮甜味。
底下的牛油果，果肉軟滑，營養價值十分之高，意大利飯 上還配有芝士片，增添鹹香！！一口意大利飯，比一般的帶點硬身口感十足，忌廉汁非常Juicy，裡裡外外都十分好味道。
2
還有更好的在後頭呢！就是點了杯飲品。餐廳有不少特別的飲品供客人選擇，入面創意玩味十足，本想點‘帽事嘅，傻朱！即係薄荷焦糖朱古力。但餐廳說今晚賣光了，最後點了集三種蔬果味道於一身的「羽衣甘藍，牛油果，芒果沙冰」 。
聽說Cafe選用的水果都是從果欄入貨，好新鮮。
顏色綠BB，好像抹茶似的羽衣甘藍，牛油果，芒果沙冰 $88。這飲品以羽衣甘藍的味道最為突出，但在微酸中又帶點芒果的甜，唔明點解會有點青瓜味，但係好fresh。不過飲起黎就覺得有啲太凍，可以一早哪定就最好！是一杯特別，又健康的蔬果飲品。BTW超級大杯，好建議兩個人share呢！
1
看得出心機不少，大至整體裝演小至小擺設，充滿綠色的環境下，療癒舒適的環境，享受美味的食物，感受到認真製作以及店員的有禮服務，感覺很滿意呢！
看來香港Cafe界又會揭開新的一頁！當我們離開時...就出現人龍了...
