Video
Read full review
2025-05-22
0 views
餐廳裝修好有泰國feel，木系+綠色植物設計📸坐位闊落舒服，氣氛Chill爆～🅵🅾🅾🅳節日歡樂二人聚餐 $688 （另加設加一 & $15/位 醬料費）🥘 鴛鴦湯底（秘製冬陰功鮮蝦 & 慢燉牛板健清湯）冬陰功湯底酸辣夠勁，入面有大蝦，鮮味十足，香氣四溢。牛板健清湯就牛味清香，飲完暖晒個胃，兩款湯底各有特色～美國嚴選牛板健牛板健肉質彈牙，切得夠厚，落湯唔會散晒，牛味濃郁，完全唔鞋口。鍾意食牛一定要encore！娃娃菜爽口新鮮，落湯煮一陣啱啱好，吸晒湯底精華，健康又好味。泰式金邊粉金邊粉超滑溜，掛湯能力一流！海鮮金盒重點推介！真心不得了，海鮮金盒裡面有鯇魚片、鮑魚、帶子、魷魚、鮮蝦、生蠔等等，每樣都好新鮮。蝦同蠔勁大隻，肉質彈牙，鮑魚仔同帶子爽口彈滑，魚片厚切唔會腥。珊瑚蚌爽脆得嚟又有海水鮮味，全部落咗湯底煮一陣，吸晒湯汁精華，食落啖啖鮮味，完全冇雪藏味！🥳🍤 泰式手打蝦餅必食！外脆內彈，蝦肉超足料，每啖都咬到蝦粒，唔會厚粉。配埋泰式甜辣醬，酸酸甜甜，停唔到口。食完仲想打包返屋企！🥤 特色飲品套餐包埋兩杯特色泰飲，我哋叫咗泰式芒芒碌碌同爆珠馬蹄椰子水。芒芒碌碌係芒果沙冰，芒果味超濃郁，飲落
🅵🅾🅾🅳
節日歡樂二人聚餐 $688 （另加設加一 & $15/位 醬料費）
🥘 鴛鴦湯底（秘製冬陰功鮮蝦 & 慢燉牛板健清湯）
冬陰功湯底酸辣夠勁，入面有大蝦，鮮味十足，香氣四溢。牛板健清湯就牛味清香，飲完暖晒個胃，兩款湯底各有特色～
美國嚴選牛板健
牛板健肉質彈牙，切得夠厚，落湯唔會散晒，牛味濃郁，完全唔鞋口。鍾意食牛一定要encore！
娃娃菜
爽口新鮮，落湯煮一陣啱啱好，吸晒湯底精華，健康又好味。
泰式金邊粉
金邊粉超滑溜，掛湯能力一流！
海鮮金盒
重點推介！真心不得了，海鮮金盒裡面有鯇魚片、鮑魚、帶子、魷魚、鮮蝦、生蠔等等，每樣都好新鮮。蝦同蠔勁大隻，肉質彈牙，鮑魚仔同帶子爽口彈滑，魚片厚切唔會腥。珊瑚蚌爽脆得嚟又有海水鮮味，全部落咗湯底煮一陣，吸晒湯汁精華，食落啖啖鮮味，完全冇雪藏味！🥳
🍤 泰式手打蝦餅
必食！外脆內彈，蝦肉超足料，每啖都咬到蝦粒，唔會厚粉。配埋泰式甜辣醬，酸酸甜甜，停唔到口。食完仲想打包返屋企！
🥤 特色飲品
套餐包埋兩杯特色泰飲，我哋叫咗泰式芒芒碌碌同爆珠馬蹄椰子水。芒芒碌碌係芒果沙冰，芒果味超濃郁，飲落好似楊枝甘露咁refreshing；爆珠馬蹄椰子水勁解渴，爆珠爽脆有驚喜，椰子香氣好突出。飲品份量大，打邊爐飲啲冷飲超爽。
Post
