Video
Read full review
2022-09-18
109 views
四季芬芳 (沙田)📇地址：沙田沙田正街2-8號新城市廣場三期3樓363A號舖🕐營業時間：星期一至日11:30 - 15:30、17:30 - 22:00💸人均消費：～$200/人(dinner)👏🏻抵讚位：我地中秋前一晚食晚飯，無乜人等位，本身話食一個鐘，啲staff都好識做無一夠鐘就叫我地埋單。啲環境燈飾都好igable，有得食又有得睇🫶🏻🍴Food QC：「精選套餐 3-4人 $638」《花雕酒糟四寶》有4樣酒糟野：毛豆、赤貝、蝦、鴨舌。酒味好足，啲蝦好大隻，鴨舌都有8條左右，算係好足料。《灌烏雞湯百花丸4粒》上面插左枝裝住應該喼汁（？）嘅擠擠針筒嘅物體，擠哂啲汁入去，一啖咬落去，啲雞汁就標出黎🤣 外面脆卜卜，內面啲雞肉同蝦肉好彈牙，最欣賞呢味菜😍《火燒黑金叉燒》用肥豬肉🐷黎整嘅叉燒，望落好邪惡，但食落又唔會好油膩同埋甜甜地，食完都唔會成口都係油。《太史蛇羹》見佢一碗都要$99，我地有3個人，呢個餐有4碗蛇羹，滿足左我地揀呢間餐廳嘅原意。食到嘅蛇肉都有好多，唔係一絲絲，而係一梳梳，同埋都好大碗，我地食完都已經有啲飽😝《蟹粉豆苗》係溫室豆苗，唔係中式嘅豆苗，選材都幾特別。蟹粉一大p
📇地址：沙田沙田正街2-8號新城市廣場三期3樓363A號舖
🕐營業時間：星期一至日11:30 - 15:30、17:30 - 22:00
💸人均消費：～$200/人(dinner)
👏🏻抵讚位：
我地中秋前一晚食晚飯，無乜人等位，本身話食一個鐘，啲staff都好識做無一夠鐘就叫我地埋單。啲環境燈飾都好igable，有得食又有得睇🫶🏻
🍴Food QC：
「精選套餐 3-4人 $638」
《花雕酒糟四寶》
有4樣酒糟野：毛豆、赤貝、蝦、鴨舌。酒味好足，啲蝦好大隻，鴨舌都有8條左右，算係好足料。
《灌烏雞湯百花丸4粒》
上面插左枝裝住應該喼汁（？）嘅擠擠針筒嘅物體，擠哂啲汁入去，一啖咬落去，啲雞汁就標出黎🤣 外面脆卜卜，內面啲雞肉同蝦肉好彈牙，最欣賞呢味菜😍
《火燒黑金叉燒》
用肥豬肉🐷黎整嘅叉燒，望落好邪惡，但食落又唔會好油膩同埋甜甜地，食完都唔會成口都係油。
《太史蛇羹》
見佢一碗都要$99，我地有3個人，呢個餐有4碗蛇羹，滿足左我地揀呢間餐廳嘅原意。食到嘅蛇肉都有好多，唔係一絲絲，而係一梳梳，同埋都好大碗，我地食完都已經有啲飽😝
《蟹粉豆苗》
係溫室豆苗，唔係中式嘅豆苗，選材都幾特別。蟹粉一大pat，都幾重手😆
《五香半筋半肉湯麵》
牛筋同牛腩麵真係比例50:50，超大隻碗😂 啲麵同料麵好多，啲牛筋牛腩好淋，最後太飽啲麵食唔哂
《四季飲品/甜品：豆腐花》
太飽飲品同甜品都拎哂番屋企😂 起初見啲豆腐花個質感都幾水下，驚變左。第二日食嘅時候又無野，似食緊布甸多啲😂
😯有待改善位：
食緊個酒糟四寶格嘅時候，見到有隻類似蟻嘅物體嘅小動物，有啲唔係幾開胃🤮 好在無爬到落啲野食度，店員都即刻換過一盒新嘅四寶格同say哂sorry，都無謂再計較😂
😼私心回應區：
呢間中菜餐廳個價錢同食物質素都算成正比，起碼佢有gimmick係主打食蛇羹嘅中菜，比較少見，係屬於可以再encore嘅餐廳😆
Post
