踏入店內，復古綠磚牆與懷舊卡位，令人回到七八十年代香港。陣陣咖喱香氣從開放式廚房飄來，食指大動。
永年大碗麵 永年大碗車仔麵 × 沙田限定咖喱魷魚 來永年唔食車仔麵，實在對唔住自己。這碗份量十足，加入自家調製咖喱汁混合永年辣醬，香濃得剛剛好，辣而不嗆。
十款配料任你自由發揮，豬腸、豬紅、豬皮、雞翼、雞翼尖、咖喱魷魚（沙田限定！）、紅腸、魚蛋、蘿蔔、時菜。
其中沙田限定咖喱魷魚最令人驚喜，魷魚爽彈入味，吸滿香辣咖喱汁，一口咬下湯汁在嘴裡爆開，香氣滲透舌尖，每口都超滿足。加上永年招牌辣汁，整碗麵即時升級，辣香逼人！
晚市雜扒餐鐵板 。沙田分店限定晚市限定的鐵板雜扒，熱辣辣上枱，牛扒、豬扒、腸仔份量厚實，嗞嗞聲鋸扒令人垂涎。 配上永年自家辣椒汁，味道層次豐富，非常適合食肉獸！性價比高得難以抗拒。
牛油果薯仔蝦沙律牛油果香滑、薯仔綿軟，配上爽彈鮮蝦，同沙律醬撈勻好掛味，清新又有飽肚感。
蓮子紅豆沙紅豆沙煲到夠綿夠起沙，蓮子粉糯帶淡淡清香，甜度適中，熱辣辣一碗好啱做餐後小甜品。
滋味小食車仔小食類永年辣汁牛腩牛腩厚實入味，滷香辣味滿分。
花生醬西多士伴雲呢嗱雪糕西多士外脆內軟，伴雲呢嗱雪糕甜而不膩，是完美的收尾。
永年特飲抹茶維他奶紅豆冰招牌特飲，維他奶創意新演繹 ，抹茶與豆香相遇，清新不膩。
薑汁維他奶豆花紅豆冰豆花紅豆冰中帶甜，薑汁香氣濃郁，維他奶豆花是冬天開胃之選。
