TOSS 蘇媽.蘇媽

Open Now

Now Closed

早聽有人推薦蘇媽蘇媽，原來沙田都有分舖。走進商場就已經睇到招牌，門口亦有不少人排隊，足見人氣之旺店舖裝修頗有馬拉風情，深綠色同原木色作主色調，椰林樹影。我地嗌左椰香咖央多士，招牌老鼠粉，福建炒蝦麵。老鼠粉好似銀針粉，配有肉鬆，蝦米，蝦乾，銀魚，肉碎同埋花生碎，撈蛋一起食，鮮鹹可口，配上銀魚蝦乾既味道，非常有東南亞風情。福建炒蝦麵好似乾炒牛河，不過配料轉作🦐蝦，份量唔算多但好有鍋氣。我最鍾意既係椰香咖央多士。佢間既咖央多士又真係幾好食，醬料超厚，非常足料，一啖咬落去有濃濃椰香，同香脆吐司一齊，非常夾味。