幸匠燒 (New Town Plaza Phase I) (Closed)

同家姐慶祝生日，同屋企人去咗新開嘅幸匠燒試下。點咗雜錦刺身沙律、雞泡魚乾、和牛烏冬、清酒煮蜆、牛油果軟殼蟹卷、炙燒三文魚松葉蟹卷、雜錦刺身沙律、各式串燒。最推薦刺身沙律同清酒煮蜆，勝在啲海鮮夠新鮮夠甜。清酒煮蜆夠香酒味、蜆夠大隻。牛油果軟殼蟹卷都唔錯，軟殼蟹炸得夠脆夠香。三文魚松葉蟹卷就一般啦，調味太甜，蓋過食材嘅原味。和牛烏冬夠大碗，肉質唔差，但牛肉味唔濃。雞泡魚乾就甜甜地，無咩特別。串燒整體來講都幾香，幾好食，但係豚肉菠蘿串燒唔推薦。菠蘿令到塊肉好腍、碎晒，口感唔好，啲味都唔夾。最後送咗柚子泡芙畀我哋，幾香柚子味幾好食，唔會太甜。