我地等左陣就有位啦！
外賣部。
黎得梗係要食出名既叉燒啦！
叫左半肥瘦林叉，例牌，比想像中大碟。好多蜜汁，甜甜地。叉燒好林，有少少肥肉痴住，肥瘦剛好。個邊邊有少少焦位，食落更香口！個蜜汁真係做得好好！正！
豉椒炒蟶子
望落好多汁，但唔咸，蒜蓉、豆豉同辣椒炒得好香。
蟶子好大只，因為好厚肉，又炒得剛好熟，所以咬落好爽口！
好好肉！
齋睇個名，無圖既真係唔知咩黎
但見到好多枱客人都有叫，所以就試下！豆腐先釀免治肉，煎熟再上汁(我估，哈哈)，所以豆腐表面有焦。豆腐好滑，份量多，食兩舊已經好飽！煱底有爉燭熱住，所以食左陣豆腐都仲熱辣辣，個汁滾住，唔會琼，不過小心痴底
茄子煱
好多茄子！醬汁好惹味，一上枱陣味好香！茄子應該先炸左，所以唔會爛晒，仲可以一舊舊甘完整夾到！
食食下發覺有一粒粒既肉，原來係金華火腿！唔怪得之甘香口。呢煱茄子送白飯食一流！
呢度甘多街坊黎，應該係區內熱棒既餐廳！下次踩完單車再黎食過！
1
