Video
Read full review
2023-01-06
148 views
🌟餐廳：小城大廚📍地址：觀塘成業街19-21 號成業工業大廈地下3號舖💰價位：～$100 - $200⏰營業時間：星期一至日 12:00 - 22:00📱電話：36184533 / 36184538終於係觀塘忙完做哂所有野，咁岩朋友又係附近收工，即刻搵佢食個晚飯先！今日想食d 夠鑊氣既中式小炒，作為觀塘地膽嘅佢就介紹我去呢間最近新開既「小城大廚」，一於試下有咩食先～———————————————————🔹白灼手釣大尾魷魚呢度竟然有我最鍾意嘅白灼大尾魷魚，即刻落單先haha！大尾魷魚煮嘅時間啱啱好，保留到魷魚嘅鮮甜味，咬落好爽脆，搭配埋自家調製嘅薑蔥豉油，超正呀！！———————————————————🔹豉汁蒸黃立䱽黃立䱽魚身飽滿多肉，而且充滿魚油香味，豉汁蒸一流～調味夠哂香濃，啖啖魚肉搭配埋蒸魚既豉油，岩哂送飯～———————————————————🔹沙嗲粉絲肥牛煲平時去大排檔我都會點嘅菜式～呢度大大煲，熱辣辣上枱～粉絲唔會煮得好淋身，保持爽彈口感～沙嗲肥牛調味好惹味，無論送飯或者送酒都一流～———————————————————🔹海味魚肚浸勝瓜湯底用左足料既魚肚、蝦乾及魚骨熬制，咸香
📍地址：觀塘成業街19-21 號成業工業大廈地下3號舖
💰價位：～$100 - $200
⏰營業時間：星期一至日 12:00 - 22:00
📱電話：36184533 / 36184538
終於係觀塘忙完做哂所有野，咁岩朋友又係附近收工，即刻搵佢食個晚飯先！
今日想食d 夠鑊氣既中式小炒，作為觀塘地膽嘅佢就介紹我去呢間最近新開既「小城大廚」，一於試下有咩食先～
———————————————————
🔹白灼手釣大尾魷魚
呢度竟然有我最鍾意嘅白灼大尾魷魚，即刻落單先haha！
大尾魷魚煮嘅時間啱啱好，保留到魷魚嘅鮮甜味，咬落好爽脆，搭配埋自家調製嘅薑蔥豉油，超正呀！！
———————————————————
🔹豉汁蒸黃立䱽
黃立䱽魚身飽滿多肉，而且充滿魚油香味，豉汁蒸一流～調味夠哂香濃，啖啖魚肉搭配埋蒸魚既豉油，岩哂送飯～
———————————————————
🔹沙嗲粉絲肥牛煲
平時去大排檔我都會點嘅菜式～呢度大大煲，熱辣辣上枱～粉絲唔會煮得好淋身，保持爽彈口感～沙嗲肥牛調味好惹味，無論送飯或者送酒都一流～
———————————————————
🔹海味魚肚浸勝瓜
湯底用左足料既魚肚、蝦乾及魚骨熬制，咸香得黎又充滿鮮甜味，勝瓜就索盡湯汁，正～
———————————————————
🔹自家製涼粉
好飽呀～最後叫埋個自家製涼粉～夠哂冰凍凍，加入花奶更香甜，簡簡單單既甜品最滋味！
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳位於觀塘既工業大廈，岩哂上班一族收咗工後，同朋友或者同事落嚟聚一聚，食個飯飲番杯～餐廳仲提供好多傳統港式大排檔小菜，仲有得打邊爐同埋提供多款海鮮，地點夠方便之餘，食物亦夠哂多元化！
Post
