劉興記生煎包專門店

Open Now

Now Closed

一般人去餐廳，食野嘅時候都會講下自己嘅生活，朋友嘅近況，工作嘅苦況咁。好少有一間餐廳，我聽到周圍既人都係討論緊食緊既野。原句記錄周邊嘅人對話如下："個包皮好脆‘’，“嘩，點解會咁多湯”，“我想叫多兩個食”，“個排骨好鬆化”，“粉皮好香麻醬味”，“佢真係生炸架喎”... 🍖好，到我食啦，我講唔到果句：嘩，點解會咁多湯既，因為一咬落去，的湯直頭噴入我個鼻，於是我做左個測試，倒哂啲湯出來，睇下張相，成個湯匙滿曬，裡邊仲有三份一，仲有係我鼻入面個的未計。我又叫左蟹粉生煎包，蟹粉足料到顛，個味勁香，而且蟹肉同蟹膏清楚可見，齒頰留香。 🍖酸辣湯配雞絲小雲吞，酸酸辣辣非常開胃，雞絲同木耳絲份量十足，雲吞細細粒，皮嘅份量唔會多，所以肉餡嘅味道突出。酸辣湯同生炸排骨，又係一大絕配，生炸口感真係唔同，肉質夠曬鬆化，皮脆而乾身，肉仲會鎖住肉汁。但係如果怕熱氣，酸辣湯就可以幫你解到。 🍺低糖豆漿質地香滑，食完咁多湯汁同埋肉食之後，佢令到胃部回復進食之前嘅感覺，舒舒服服咁離開。 ✨️係坐低之前，我都排左半個鐘頭隊，但其實呢日係落大雨，環顧四圍嘅餐廳其實冇乜人，佢依然仲有條咁長既人龍，而且年齡層乜都有，一半後生仔女