汀汀烤活魚 (Closed)

近排天氣凍凍最適宜去食烤魚，次次系旺角搭小巴返屋企都系車上見到汀汀烤活魚呢間，今晚終於有時間來食啦！有3種烤魚鍋和有幾種湯底選擇麻辣味，香辣味，酸菜味。另外可以加$18有麻辣酸菜味和香辣酸菜味。我點左烤魽魚鍋和湯底是加$18香辣酸菜味。一坐低就有一碟餐前小食，豆又幾脆卜卜又香口。烤魽魚鍋上面舖滿芫茜，魚又切開一半，拎過來已聞到一陣香味香噴噴。等魚鍋滾一下就可以食，魚肉嫩滑又幾大條，食左一陣就放上一些配菜上去滾再加湯。蓮藕和豆卜放進入烤魚滾可以索晒湯的精華好美味。酸辣土豆絲酸酸辣辣土豆絲又爽口幾野味。