大喜屋 (Closed)

雖然凍凍地想打邊爐, 但又抵唔住頸想食幾件刺身, 最後都係去食放題啦。今轉搵左大喜屋, 一入黎感覺有D 傳統, 因為而家好多都有自助區,呢間係無嘅但又ok 喎, 唔使周圍咁多人出出入入....魚生類- 一般應有嘅刺身都有, 油甘魚,劍魚腩,帶子,蝦,希靈魚, 我比較欣賞佢仲有赤貝, 色澤靚, 又爽甜。另外海膽手卷, 海膽份量夠飯又唔多, 勁鮮甜嘅, 叫左三次。仲有左口魚壽司,入口溶化, 好味。熟食類-呢個馬拉盞炒芥蘭係必食, 好少日式放題有炒菜, 熱辣辣煲仔上枱,二人份量。炒花甲好惹味,蜆肉好肥厚而且一D 沙都無!冬陰工海鮮湯 就湯ok, 海鮮都普通。串燒整體咸左d,重手左d鹽。其實燒物都燒得好好火喉,皮脆, 一試隻雞翼就知龍與鳳。翠肉瓜仍然juice。麻辣鴨舌就唔算辣 係濃濃嘅汁但唔夠入味。另外燒羊架,喜歡吃羊架就記得叫...因為好好食, 雖然有少少so 味, 但入曬味同 勝在d 肉仲好嫩身。甜品系列~必食炸芋丸 同榴槤(脆炸貓山皇),雖然我食唔出係唔係貓山皇但都好濃好香榴槤味,即叫即整,上枱時熱辣辣, 外脆內又軟又暖, 推介。雪糕當日係得返Milk Top, 紫薯味, 本人覺得奶味