去左Yamm食Dinner Buffet，貴唔係一個大問題，但唔好食就係一個好大嘅問題。
麵包我冇乜點食到，因為想留肚食其他嘢。
刺身甜蝦都係要落order先有，但質素連板前都不如，因為唔新鮮。
原來唔係淨係我咁樣覺得，隔籬枱有位女士直情向侍應生投訴ｄ嘢唔新鮮。
全晚最失望係生蠔，雖然係即開，但個size竟然好細，
而且d肉非常薄，食唔出咩味，仲要排好耐隊先有，因為個師傅開唔切。
海鮮拼盆已經係全晚比較正常嘅食物。
繼剛才左邊果位女士投訴完之後，竟然輪到右邊果張枱又有人投訴唔好食，
其實我地中間呢枱都好想投訴呢，不過要投訴嘅嘢都俾佢地投訴哂。
我睇Openrice前一排嘅食評應該有主菜可以選擇，但而家竟然冇左，
所以覺得更加唔抵，永世blacklist呢間酒店嘅自助餐。
就算將來佢改善左都唔會再去，因為佢已經帶俾我一個好壞嘅回憶。
