譚仔三哥米線 (西洋菜南街)

Open Now

Now Closed

水煮湯鴨血米線番嚟喇！上年食過但過一排就冇左，呢排見佢社交平台 page又話出番，即刻去食先。本身已經有鴨血同豆卜，我另外加左雞肉。其實佢個鴨血唔係我杯茶，咬落去冇彈性，淨係好嫩滑咁，同平時去食台式火鍋嗰啲唔同，不過呢個價錢，算係唔錯喇。豆卜吸左呢個水煮湯都幾辣，湯底唔錯，比鴨血更吸引我。另外叫左客大嘅土匪雞翼，正常發揮都係咁好食。希望呢個可以正式加落menu，唔好次次都係期間限定啦，呢個係除左招牌麻辣之外，我另一個最鍾意嘅湯底。