個人黎講最愛都係申子居酒屋
幾間申子的裝修走日式簡約風
木系設計配上柔和燈光
每次都俾到人一種可以舒服用餐既感覺
加上座位之間又唔會太迫
好適合三兩知己相聚傾計既好地方
3
//海皇廣島蠔炒麵 $218//
今次試左新餐牌入面的數款
這個炒麵就是其中一款
炒麵香氣撲鼻 入口煙韌不油膩
廣島蠔好大隻 入口鮮味濃郁
仲有蝦仁、魷魚等配料
麵好掛汁 每一條麵都沾滿了醬汁
醬汁微甜帶鹹 令人食唔停口
//外星蠔 $138//
好吸晴的賣相
用一個黑色球體盛載著比喻著外星
加添左一份神秘感
蠔入口鮮甜帶有微微煙燻香
配搭紫蘇葉同特製醬汁 味道清新
整個菜式由外在設計以至味道都令人印象深刻
//拖羅蓉米紙卷 $98//
呢個菜式係有驚喜
拖羅蓉入口即化 油脂分佈均勻
配上爽口米紙及鮮淮山
米紙不會過厚 淮山夠爽口
口感層次分明
估唔到同拖羅蓉味道又好夾
1
//極上鹽燒牛舌芯 $128//
每次都必點至愛牛舌芯
牛舌厚切 燒得恰到好處
外層微焦 內裡仍保留嫩滑口感
鹽味更加能夠突顯牛舌本身的肉香
配上少量蔥花同特製柚子醬
再灑上檸檬汁提升鮮味
係最令人回味的一道菜
//鹽燒雞翼1串 $45//
燒得剛好 雞翼皮脆肉嫩
鹽味均勻滲透
燒雞翼看似簡單 但要恰到好處就不易
師傅就做到這一點
//手作免治雞肉棒1串 $68//
雞肉棒口感紮實 肉味濃郁
配上蛋黃醬後更添香滑
咬下去有微微焦香 帶點炭燒味 值得一試
//唐揚脆雞 $128//
外皮酥脆 雞肉多汁
炸得乾爽不油膩
配上特製沙律醬平衡油膩感
