Video
Read full review
2017-10-09
120 views
教育路一帶，基本上係元朗餐廳最集中地之一，可以係度搵到唔同類型的餐廳。其中一間又可外賣刺身壽司，又可堂食丼飯定食的魚一，經常有好多年輕人或年青家庭幫襯。 長長的鋪位分開上下兩層，下層係買外賣壽司刺身同有幾個座位的壽司吧，而上層就有四五張4人枱同四張2人枱既堂食位置。 Lunch 除左有午市定食外，仲有自選刺身丼飯，同兩版紙的單點食品，選擇都非常豐富。午市定食有13款揀，有牛、豬、雞、魚，同拉麵選擇，價錢都係由$38起，到最貴都係$58。仲有8款刺身丼飯和4款壽司組合，價錢都不過百元。 揀左鹽燒鯖魚定食 $42 定食還有三文魚湯、前菜沙律同甜品送。 三文魚湯好足料，有好多三文魚肉，仲有豆腐同海帶，又唔腥又唔會好鹹，幾好飲！ 沙律都幾新鮮，有菜有車厘茄外，仲加有條蟹柳，淋埋日式芝麻醬，開胃又惹味。 燒鯖魚，到來時已聞到陣陣焦香味，前後都燒得金黃，魚皮燒得香脆可口，魚肉結實不散開，充滿魚油香，而且魚骨又唔多，唧埋檸檬汁，點埋蘿蔔蓉醋醬汁，酸酸地好開胃，送飯一流。甜品係凍冰冰雪米糍，建議最好攤一攤等雪米糍個皮回軟一點先食仲好味。自選丼飯 $85 配料差唔多有30款選擇，最少要揀3款，而每款可以
長長的鋪位分開上下兩層，下層係買外賣壽司刺身同有幾個座位的壽司吧，而上層就有四五張4人枱同四張2人枱既堂食位置。
Lunch 除左有午市定食外，仲有自選刺身丼飯，同兩版紙的單點食品，選擇都非常豐富。午市定食有13款揀，有牛、豬、雞、魚，同拉麵選擇，價錢都係由$38起，到最貴都係$58。仲有8款刺身丼飯和4款壽司組合，價錢都不過百元。
揀左鹽燒鯖魚定食 $42 定食還有三文魚湯、前菜沙律同甜品送。 三文魚湯好足料，有好多三文魚肉，仲有豆腐同海帶，又唔腥又唔會好鹹，幾好飲！
沙律都幾新鮮，有菜有車厘茄外，仲加有條蟹柳，淋埋日式芝麻醬，開胃又惹味。
燒鯖魚，到來時已聞到陣陣焦香味，前後都燒得金黃，魚皮燒得香脆可口，魚肉結實不散開，充滿魚油香，而且魚骨又唔多，唧埋檸檬汁，點埋蘿蔔蓉醋醬汁，酸酸地好開胃，送飯一流。
甜品係凍冰冰雪米糍，建議最好攤一攤等雪米糍個皮回軟一點先食仲好味。
自選丼飯 $85 配料差唔多有30款選擇，最少要揀3款，而每款可以2份起計，飯底就另計$10碗。 揀左三文魚腩、池魚王、劍魚腩、蔥吞拿魚腩同珍寶帶子，好想食拖羅，可惜當日未返貨，無緣食到了。
三文魚腩帶油脂香，入口柔軟，而且都幾厚切下。 池魚王味道甘香鮮美，油潤豐腴黏滿口腔，不錯。 劍魚腩呈奶白色，柔軟油潤，充滿魚脂香。 珍寶帶子名符其實大大粒，非常肥美，而且厚身，口感一流，叫人滿足。 美中不足的是蔥吞拿魚腩就乾身左小小。 壽司飯份量都幾多，軟硬度適中，比起切粒既魚生飯，呢碗刺身丼飯叫人好滿足。
炸蝦天婦羅 $42/6隻 雖然炸蝦唔算大隻，不過隻隻都炸到金黃，炸漿又唔算厚，脆口又香口，蝦肉都幾彈牙，點埋蘿蔔蓉醋汁，好食。
店方有一大壺水同茶供應，不過天氣實在太熱，額外叫左兩支冰凍既日本飲品：日本靜岡綠茶可樂$20、日本靜岡蜜瓜梳打$22。前者偏綠茶味多點，而後者充滿香甜蜜瓜味，好飲！
Post
