茶墨 (Closed)

💛#黃店依間茶墨茶飲店想當有人氣，以水墨造型嘅飲品馳名，雖然價錢的確唔平但都幾大杯，而且側邊都有少許枱櫈～👓麻糬芝麻烏龍鮮奶茶 $39其實我之前已經飲過凍，今次encore天氣又凍凍地於是叫咗熱飲！熱飲都幾得意有驚喜~直接講吓熱飲先，天氣凍飲杯熱飲都幾舒服，佢好香濃芝麻味有少少似芝麻糊，不過冇糖水嘅芝麻糊稠同咁重芝麻，當中有一粒粒麻糬粒加強咬口口感，但凍飲飲品係同麻糬粒夾啲，但如果一定要選擇會覺得凍飲比熱飲好飲～同埋完全冇叫到少甜，唔會太甜可接受。評分：7.5/10👓麻糬芋泥茉莉鮮奶綠 $39同樣完全唔記得咗叫少甜，不過意外地完全唔甜反而剛剛好，因為通常出面芋泥飲品都好甜，依度嘅芋香都好重，有驚喜～認真品嚐清楚係會嚐到茉莉茶香，同樣有麻糬粒，伴上芋泥有好豐富嘅口感好飽肚🤣評分：8/10👓岩燒蜂蜜蛋糕 $60飲品追加價+48個玻璃櫃都好多款蛋糕，而依個戚風蛋糕當日見到有抹茶同伯爵茶味可選，於是揀咗伯爵茶味，都有伯爵茶味嘅不過較輕微，同埋蛋糕質感鬆軟不過偏乾身，而且好扁身口感唔夠豐厚，上面岩燒好似芝士咁凝固一層輕微帶點蜂蜜味評分：6/10