茶墨 (Closed)

依家日日都三十幾度嘅天氣，可以嘅話都唔想出街，但日日喺屋企又唔係辦法，為咗慳屋企嘅電唯有出去行吓商場🤣 另外就係要飲下凍野降下溫！又係變相駛錢🙈嚟到The One就梗係要來「茶墨」買杯凍飲降下溫啦！支持下！呢度另外仲有Gelato同埋蛋糕可以選擇！行到攰啦就可以嚟呢度休息吓食件餅或者飲杯嘢！呢度最出名嘅就係嘢飲內會呈現出水墨風，應該係利用較杰嘅食材先至可以掛喺杯邊，呈現出水墨畫嘅效果！望落都唔錯！今次就揀咗 紫薯鐵觀音沙冰，本身都幾鍾意紫薯，而沙冰都幾綿，味道都唔錯！如果唔鍾意甜嘅可以揀少糖，咁就唔會太甜啦！另外 Gelato 揀咗開心果味，好清爽又唔會太甜！