Video
Read full review
2024-11-14
130 views
今日嚟到銅鑼灣CCC Club對面嘅一間日本料理食Omakase，其實我一早想試呢間日本料理，但一直搵唔到朋友陪我試，今日終於願望達成。呢間餐廳嘅門口裝修很有日本庭院的感覺。餐應只有10個板前位置，所以想食嘅朋友們記得要預先訂枱。最值得一讚就係佢嘅後園，打造到一個日本庭園模樣，仿佛去咗日本京都嘅感覺。今晚我哋嘅廚師發板$1880，包搭前菜、季節性湯物、刺身、季節性料理、壽司、麵豉湯和甜品。呢個餐食足3小時，期間跟師暢談一番，開開心心過了一個夜晚。🎏 先付🌾 京都銀杏·太刀魚八番卷·唐墨·栗子甘露煮·明太子鯛魚呢五款先付，都各有特式，師傅非常有心思。🎏 季節清湯🌾 燒秋刀魚雜菌湯呢個湯有著菌菇嘅清香味，再加埋秋刀魚嘅鮮甜味，整個湯都極為鮮味。🎏 刺身五款🌾 九繪 👉🏻 嚟自福崗配以檸蜜醋汁，重配埋醋橘，味道有點青檸味和柚子味，整個味道較為清新。🌾 縞鰺👉🏻 嚟自熊本天草，配埋豉油wasabi嚟食，肉質細緻爽口。🌾 北寄貝 👉🏻 嚟自日本口岸，師傅話跟平日加拿大嚟嗰啲紅色嘅北容貝完全不同，呢款嚟自日本嘅係新鮮，配以鹽和檸檬片，食落嘅口感真係完全唔同，非常細膩、爽滑、有彈性。🌾 八爪魚 👉🏻
餐應只有10個板前位置，所以想食嘅朋友們記得要預先訂枱。最值得一讚就係佢嘅後園，打造到一個日本庭園模樣，仿佛去咗日本京都嘅感覺。
今晚我哋嘅廚師發板$1880，包搭前菜、季節性湯物、刺身、季節性料理、壽司、麵豉湯和甜品。呢個餐食足3小時，期間跟師暢談一番，開開心心過了一個夜晚。
🎏 先付
🌾 京都銀杏·太刀魚八番卷·唐墨·栗子甘露煮·明太子鯛魚
呢五款先付，都各有特式，師傅非常有心思。
🎏 季節清湯
🌾 燒秋刀魚雜菌湯
呢個湯有著菌菇嘅清香味，再加埋秋刀魚嘅鮮甜味，整個湯都極為鮮味。
🎏 刺身五款
🌾 九繪 👉🏻 嚟自福崗配以檸蜜醋汁，重配埋醋橘，味道有點青檸味和柚子味，整個味道較為清新。
🌾 縞鰺👉🏻 嚟自熊本天草，配埋豉油wasabi嚟食，肉質細緻爽口。
🌾 北寄貝 👉🏻 嚟自日本口岸，師傅話跟平日加拿大嚟嗰啲紅色嘅北容貝完全不同，呢款嚟自日本嘅係新鮮，配以鹽和檸檬片，食落嘅口感真係完全唔同，非常細膩、爽滑、有彈性。
🌾 八爪魚 👉🏻 來自北海道，檸檬片上係八爪魚嘅吸盤，配以生磨wasabi，另外再配埋醬油漬wasabi，超爽脆嘅吸盤釀入醬油漬wasabi，勁攻鼻，口感一流。
🌾 筋子蘿蔔蓉 👉🏻 筋子即係新鮮三文魚籽，比一般嘅三文魚子更彈牙新鮮，配埋蘿蔔蓉，能中和到魚籽嘅咸鮮。
🎏 季節料理二品
🌾 昆布醬油燒白子 👉🏻 白子表面微焦，而裡面仍保持到豆腐般嘅口感，而昆布酱油嘅香气会渗到白子裡面，更加入味。
🌾 目光魚 👉🏻 鹿兒島嘅特產嘅目光魚，酥炸後口感似薯條，裡面嘅魚肉重好鮮嫩。
🎏 壽司十貫
🌾 甘目鯛壽司 👉🏻 嚟自伊豆熱海市，肉質清淡爽滑。
🌾 帆立貝壽司 👉🏻 嚟自清森縣嘅帆立貝壽司整個口戈配昆布漬，昆布漬嘅酸甜，令到口感更清新。
🌾 關鯖壽司 👉🏻 嚟自大分縣嘅鯖魚，味道較濃郁，肉質細膩滑嫩。
🌾 甘海老壽司 👉🏻 嚟自日本北海道嘅甘海老，師傅毫不吝嗇用咗3隻甘海老組成壽司，視覺上好豐富，肉質細綿，味道好清甜。
🌾 槍魷魚壽司 👉🏻 嚟自福岡嘅槍魷魚，肉質爽韌，味道清甜。
🌾 秋刀魚壽司 👉🏻 清淡嘅油脂配上靜岡縣牙蔥，更顯秋刀魚嘅鮮美。
🌾 中拖羅魚腩壽司 👉🏻 嚟自長崎縣嘅中拖羅，油脂豐富，口感細膩。
🌾 大拖羅魚腩壽司 👉🏻 師傅用少量鹽嚟降低嘅油脂嘅膩感，油脂分布如雪花般，魚油脂嘅甘香，入口即溶。
🌾 醬油漬吞拿魚壽司 👉🏻 醬油能提升魚嘅鮮味，完美平衡到油脂同魚香。
🌾 白海膽手卷 👉🏻 白海膽好滑溜，甘味香濃，配埋勁脆口嘅紫菜，絕對係舌尖上嘅受享受。
🎏 味噌汁 （止湯）
🌾 魚肉麵豉湯 👉🏻 細膩滑爽嘅魚肉，令到麵豉湯嘅口感更豐富。
🎏 甜品
🌾 靜岡蜜瓜配南瓜蛋糕 👉🏻 蜜瓜超甜配埋微甜嘅南瓜蛋糕，為今次omakase嘅舌尖上旅程劃上完美句號。
Post
