嗰陣都真係尚算好食
今日再來，簡直食到嬲
啲好評係從何以來？？
首先上到去
環境超級昏暗
居酒屋還居酒屋
都冇理由黑到咁
都算啦
因為佢都幾抵食既
有前菜，茶碗蒸，麵豉湯再加一個主食
仲要有九折添喎！
終於都知點解佢會有折
因為上到去真係無乜客
得幾枱
都心知不妙
我見好多人都推介佢個定食
咁我就照嗌最多人揀嘅溫泉蛋燒鳥定食
前菜係豆腐同秋葵
嗰舊豆腐仲細隻過我隻手指公
條秋葵仲細嗰隻手指尾
我唔係搞緊笑…..係真嘅
大佬個前菜咁樣你倒不如慳返啦
個麵豉湯得半碗
又鹹…….又凍
我去元氣食起碼佢都係熱………..
茶碗蒸呢
一啲味都冇
連蛋味都冇呀陰公
最伏問伏都係呢一個茶碗蒸
都係果句
如果你咁Hea倒不如你慳返啦
諗住個主菜會好啲
個溫泉蛋呢就好似雪櫃咁凍
嗰啲飯又喺凍
大佬呀呢度香港嚟
你估真係日本咩
係個串燒叫好味番少少
但係都係冇乜調味
雞翼就好似就咁燒咁唯一可以讚嘅係燒得幾脆
個京蔥燒雞柳呢都係冇乜味
呢度個廚師個味覺係咪有問題
係個冬菇正常少少但都稱不上好食
男朋友就叫咗串燒牛肉定食（$138）
有兩串牛肉同埋一串牛脷
啲牛肉比較騷
唔係好食但係唔係難食囉
題外話
經理成日都大大聲喺度鬧個男侍應
真係好影響人哋食飯嘅心情
其實有啲乜嘢要講
不如等落場先講啦
將心比己
你喺條街度聽到人哋鬧人
心情都唔會特別好啦
整體來講
環境昏暗，坐到瞌眼瞓食物冇誠意，冇味道服務係ok，我聽到經理教仔都真係幾煩性價比低，唔好以為有前菜，茶碗蒸，麵豉湯同埋主食好夠飽，我想講我哋兩個都唔夠飽陣風咁就食完我以後都唔會再嚟！！！
收咗山好耐嘅我
希望打呢篇食評唔會有人中伏
