Video
Read full review
2019-08-26
26 views
近期呢一類比普通茶仔質素高一點嘅冰室，盛開嘅程度猶如雨後春筍，其中有間喺我公司附近，喺駿業街街市對面嘅，每逢星期一至五嘅食飯時間，門口都會有三四十人喺度排隊等食，有次星期日下晝經過見佢唔使排隊，入去試過一次，感覺確實係幾高質嘅，不過又覺得唔值咁貴，同事話喺佢屋企樓下有間高質過公司附近嗰間茶仔嘅茶仔，重點係無人地咁貴，今日過開嚟荃灣，點都要嚟証實一下。揀咗幾樣招牌中嘅招牌，咁就唔怕嗌錯啦。華田脆脆，呢杯華田脆脆貌似我至愛嘅美祿恐龍，估唔到連味道都非常似樣，有住滿滿嘅華田味道，上面係脆卜卜嘅脆粒，比起淨係落美祿粉嘅美祿恐龍，口感層次更加豐富。招牌瑞士雞髀配粟米雜果沙律，瑞士雞髀作為餐廳嘅招牌，果然不同凡響，雞髀滷得異常咁入味，雞髀肉超級嫩滑，咬落蘊含豐富嘅肉汁，配合著瑞士汁微微嘅甜味，我幾乎想嗌多一隻。焗芝士肉醬意粉，肉醬意粉上枱嘅時候香噴噴，醬汁味道香濃，廚師將芝士焗到微微焦脆， 意粉嘅口感係我哋港式嘅Al Dente，侍應細心提醒意粉啱啱焗起，個碗好熱。自家製滑蛋叉燒飯，見到隔離枱個滑蛋咁滑所以忍唔住嗌，滑蛋嘅滑溜程度確實係無敵， 叉燒方面係全瘦叉，可能喺口感方面會稍遜，不過就更加健康
揀咗幾樣招牌中嘅招牌，咁就唔怕嗌錯啦。
華田脆脆，呢杯華田脆脆貌似我至愛嘅美祿恐龍，估唔到連味道都非常似樣，有住滿滿嘅華田味道，上面係脆卜卜嘅脆粒，比起淨係落美祿粉嘅美祿恐龍，口感層次更加豐富。
招牌瑞士雞髀配粟米雜果沙律，瑞士雞髀作為餐廳嘅招牌，果然不同凡響，雞髀滷得異常咁入味，雞髀肉超級嫩滑，咬落蘊含豐富嘅肉汁，配合著瑞士汁微微嘅甜味，我幾乎想嗌多一隻。
焗芝士肉醬意粉，肉醬意粉上枱嘅時候香噴噴，醬汁味道香濃，廚師將芝士焗到微微焦脆， 意粉嘅口感係我哋港式嘅Al Dente，侍應細心提醒意粉啱啱焗起，個碗好熱。
自家製滑蛋叉燒飯，見到隔離枱個滑蛋咁滑所以忍唔住嗌，滑蛋嘅滑溜程度確實係無敵， 叉燒方面係全瘦叉，可能喺口感方面會稍遜，不過就更加健康。
樓下冰室整體感覺都比我公司附近嗰間排隊嘢好好多，啲嘢好食啲之餘，價錢又平少少， 喺樓下冰室食仲唔使咁辛苦喺門口排隊添。
Post
