光榮冰室 (厚福街) (Closed)

估佢唔到，呢度竟然有煲仔飯食。先不講煲仔飯既質素如何，單是店員既服務質素，已經贏左廟街煲仔飯九條街。雖然呢度環境似茶餐廳既格局，但冷氣充足，就算大熱天黎食煲仔飯，都冇問題。正如大熱天都好多人打邊爐一樣，仲過引隱。窩蛋鮮牛肉煲仔飯$72牛肉份量多，又鮮嫩。半生熟蛋用黎撈飯冇得輸，一篤穿就要快手快腳撈，否則煲仔既熱力好快就熱熟左佢。薑蔥鮮魚煲仔飯$72一向喜歡吃蒸魚時，用蒸魚豉油撈飯，貪佢有魚香又甜甜地，不過就油左啲。而呢個薑蔥鮮魚煲仔飯，就有蒸魚豉油撈飯既美味，但就冇左個種油膩感，超級正飯焦一定要食！！！好易刮出黎，脆卜卜，又唔算太硬身，食完冇牙交痛。油菜$20芥蘭，很粗身，鮮嫩。牛肉茶$12（跟餐）很久沒有飲了。讓我想起兒時家中食飯冇餸，家人最鐘意每人一匙羹牛肉茶撈飯，又健康又好味。