Video
Read full review
2016-06-10
7484 views
今個6月無得去日本對我打擊實在太大,思鄉病非常嚴重,要不停搵日本好嘢食先可以平衡到我既心情....香港出色嘅天婦羅專門店唔係有好多,喺酒店入邊嗰間早年已經試過,今日嚟到上環試下呢一間小店,呢度嘅特色係食omakase ,即係又係廚師發板明天婦羅都有得廚師發板？坐bar位可以睇住師傅整天婦羅,仲可以同師傅傾下計咁,非常好!先黎個前菜,蟹肉大根煮,唔好睇少呢一個前菜,看似好簡單,但要整得好絕對唔容易,大根用中間最甜既部分,蒸到剛熟,再用蟹肉加上濃湯放係上面,佢仲要加埋海膽係上面,真係超高級享受吖!大根,蟹肉同海膽,3樣唔同既清甜放埋一齊,真係大滿足吖!刺身三點盛,分別係油甘魚,帶子同埋北海道海膽,唔多講喇,(今日重點唔係呢d)新鮮就是好味!野菜沙律主角就出場,先黎咗蘿蔔蓉,岩鹽,檸檬同埋天婦羅汁先,蘿蔔蓉圓滾滾咁,我欣賞咗佢好耐先捨得將佢放落天婦羅汁入面~問過師傅,佢話呢度用蕃紅花油黎炸天婦羅,話炸出黎會比起麻油會輕形d同健康d!第一件係海蝦,每一件師傅都會指示用邊隻調味,海蝦用鹽或者天婦羅汁.佢連蝦頭都做埋天婦羅.海蝦唔算好大隻,但非常彈牙,個人比較喜歡用岩鹽調味,蝦頭脆卜卜,伴以天婦羅
香港出色嘅天婦羅專門店唔係有好多,喺酒店入邊嗰間早年已經試過,今日嚟到上環試下呢一間小店,呢度嘅特色係食omakase ,即係又係廚師發板明天婦羅都有得廚師發板？
坐bar位可以睇住師傅整天婦羅,仲可以同師傅傾下計咁,非常好!
先黎個前菜,
蟹肉大根煮,唔好睇少呢一個前菜,看似好簡單,但要整得好絕對唔容易,大根用中間最甜既部分,蒸到剛熟,再用蟹肉加上濃湯放係上面,佢仲要加埋海膽係上面,真係超高級享受吖!大根,蟹肉同海膽,3樣唔同既清甜放埋一齊,真係大滿足吖!刺身三點盛,
分別係油甘魚,帶子同埋北海道海膽,唔多講喇,(今日重點唔係呢d)新鮮就是好味!野菜沙律
主角就出場,先黎咗蘿蔔蓉,岩鹽,檸檬同埋天婦羅汁先,
蘿蔔蓉圓滾滾咁,我欣賞咗佢好耐先捨得將佢放落天婦羅汁入面~問過師傅,佢話呢度用蕃紅花油黎炸天婦羅,話炸出黎會比起麻油會輕形d同健康d!
第一件係海蝦,
每一件師傅都會指示用邊隻調味,海蝦用鹽或者天婦羅汁.佢連蝦頭都做埋天婦羅.海蝦唔算好大隻,但非常彈牙,個人比較喜歡用岩鹽調味,蝦頭脆卜卜,伴以天婦羅汁食,實行點滴不浪費！蕨菜天婦羅,
第一次見,蕨菜係日本都常常會食到,佢好似係叫walabe,個樣怪怪的,將佢變成天婦羅,口感爽脆,有少少似露筍!蕃薯仔天婦羅,
一串兩粒,就咁食就得,蕃薯仔非常冧,而且非之甜,如果可以好似放題咁食,我估我可以食10串！沙鎚魚天婦羅,
呢一款都係可以經常食到既天婦羅之一,呢度個炸漿超薄,成個感覺非常平衡!櫻花蝦天婦羅,新鮮既櫻花蝦真係第一次食,一堆櫻花蝦放埋一齊炸成蝦餅咁,炸漿僅僅夠包住每一隻蝦,而味道絕對係上級!
呢個造型咁趣怪既係小牛鰍魚,
啖啖肉,個人認為比起沙鎚魚好食！粟米天婦羅,
好巧刀功,究竟係點樣可以切一片粟米出黎而唔斷開架呢？非常薄既炸漿,薄到仲見到粟米凹凹凸凸既形狀,入口香甜！
紫蘇紫炸海蝦天婦羅,
好可惜小妹唔太喜歡紫蘇葉猛烈既味道,所以評價唔到.蠔天婦羅,
第一次食,蠔剛熟,配天婦羅汁食,又一新體驗!紫菜帶子天婦羅,
又係第一次食,帶子中間仲係半生,配上紫菜既咸香,好食！呢個真係估你唔到!牛油果天婦羅~
牛油果入口即化,真係想encore多幾件吖!海鰻魚天婦羅配七味粉同埋日本蔥,
海鰻魚本身已經好滑,七味粉帶出佢既魚味,係今日食過咁多件海鮮入面最出色既一件！天丼,
重點係蛋黃天婦羅度,破開蛋黃將佢同飯同醬汁混為一體,簡直係人間極品！赤麵豉湯,極濃既鰹鮮上湯味道！
加埋擺盤精緻既甜品同埋日本蜜瓜,為今晚作了完美既終結！
Post
