極尚大瀛喜日本料理

Open Now

Now Closed

每隔一排就會想放肆一下食放題😆，我同朋友食5:30到7:30個場，每位只係$258 ，難怪去到已經有好多人排隊等緊，淨係食刺身都抵😼。餐廳有自助小食吧，提供少量熱食同埋靚湯，當然唔少得海鮮冷盤。飲品方面都唔馬虎，種類多到數唔晒，由熱飲到紙包飲品，由有糖到無糖，酒精到非酒精，樣樣俱全，總會搵到一樣啱飲嘅。不過最令人驚喜嘅係甜品部，唔單止有雪米磁，豆腐花、泡芙、雪糕、雪條、乳酪，總有一款岩心水🤪，仲有一部自助雪糕機🍦，加埋配料自由配搭，岩晒小朋友。講返餐廳既料理，用QR code落單，方便快捷又唔會漏單，以下係幾款我比較鍾意嘅料理：👉🏼刺身食日本放題，當然唔少得食刺身，刺身種類都好多，我最鍾意係厚切三文魚，肥美又鮮甜。👉🏼磯燒鮑魚放題都有鮑魚食！👉🏼金牌紅燒乳鴿王色香味俱全，而且乳鴿肉嫩，食落一啲都唔鞋。👉🏼黃金醬燒開邊蝦滿滿嘅沙律醬配上燒到金黃色既蝦😋👉🏼酸菜魚日式料理都有川菜食，而且質素一啲都唔差，酸菜湯底少少麻辣，魚肉都多，而且啖啖肉冇乜骨😼。