六福菜館

Open Now

Now Closed

差唔多每個月都會去西貢食海鮮。懶於每次都寫，於是將D相集合一齊寫一篇就方便好多。每次都係自己買海鮮去六福加工。喺街市買嘅海鮮鮮度較高，艇家嗰D就平，不過質素無咁好，有時都會唔新鮮。椒鹽鮑魚必食，非常惹味，肉質爽口，較果皮蒸的好吃多了~瀨尿蝦，街市同艇家嘅產地不同，艇家那些外殼是一折折的，勁多膏，不過都可以揀無膏嘅，肉質非常彈牙，砵酒焗蠔，六福都係做得很好。在外吃這道菜，通常都嚐不到酒味，但六福做到保住酒味，外皮微脆，六福招牌脆豆腐，建議多人先好叫，因為豆腐好CREAMY好滑, 食兩舊已經漏漏地~白灼東風螺，無技巧的，只要買到新鮮東風螺就會好味！油鹽水浸花甲就煮得有些過火，有點韌。豉汁蒸帶子，不建議，好韌，唔好食，又黐牙豉椒炒蟶子，VERY GOOD, 醬汁包住每條蟶子，惹味。粉絲蒸貴妃蚌，今次買得唔靚，好多沙，但肉質好爽口。