151
16
18
Telephone
27929966
Introduction
An iconic seafood restaurant in Sai Kung where customers can bring along their freshly bought seafood and let the chef decide the menu. Don't miss their signature chili pepper crispy skin chicken, which needs to be pre-ordered at the time of reservation. continue reading
Awards and Titles
Michelin 1 Starred Restaurant (2015-24)
Opening Hours
Today
11:00 - 22:30
Mon - Sun
11:00 - 22:30
Payment Methods
Visa Master AlipayHK Alipay Cash AE UnionPay Apple Pay Google Pay BoC Pay WeChat Pay UnionpayQR
Number of Seats
140
Other Info
Alcoholic Drinks
May Bring Your Own Wine
Cake-cutting
Parking
Phone Reservation
10% Service Charge
Above information is for reference only. Please check details with the restaurant.
Review (206)
Level4 2024-02-16
752 views
🥰 當年 “師姐” 帶我見識 西貢 “勝記”, 一戰難忘, 今年計劃喺西貢攪團年飯, 原來經理已經過檔 “六福”, 食嘢講緣份, 決定一試呢間米芝蓮一星餐廳. 今日八人飯局, 搵經理寫菜. 老實講, “六福” 出名又貴又唔抵食, 預咗將貨就價, 睇完菜單冇乜信心.魚湯浸花甲黃金脆豆腐欖角蜜糖骨椒鹽鮮鮑魚天婦羅桶蠔生菜包薑蔥炒蟶子煎米粉芝士龍蝦炒飯黑醋蒜蓉炒芥蘭🥢 “六福” 位於市場街, 舖面唔算起眼, 聽講一樓係包廂, 大廳係二樓三樓, 飯店格局, 光猛闊落, 每層大概8-10張中細型枱, 牆上掛滿米芝蓮戰績.🤗 魚湯浸花甲. 花甲啱啱熟, 忌廉口感, 魚湯非常鮮甜, 粉絲索晒湯汁, 我最後負責清碟, 一滴不留. 第一道菜已經超驚喜.🧀 黃金脆豆腐. 外型堅挺, 賣相加分. 外脆內嫩, 熱辣辣, 掂!🍯 欖角蜜糖骨. 豬肉肥瘦適中, 欖角蜜味平衡, 過關.🥰 椒鹽鮮鮑魚. “椒鹽鮑魚” 真係西貢 “名物”, 差唔多每間飯店都推介, 相反, 流浮山 三聖邨 仍然主打傳統嘅 “果皮清蒸鮑魚”. “六福” 用上南非鮑魚, 用刀叉切, 口感煙韌彈牙, 椒鹽味均勻, 非常出色, 一路食一路讚.🦪 天婦羅桶蠔生菜包. 美國桶蠔非常厚肉, 炸粉鬆脆, 絕配清脆生菜, 加埋屈機沙律醬, 天作之合, 非常精彩.🐚 薑蔥炒蟶子煎米粉. 砂鍋煲上, 熱騰騰, 薑蔥惹味, 蟶子啱啱熟, 肉質鮮嫩, 唔韌喎. 米粉煎脆, 又吸哂薑蔥味, 一流!🦞 芝士龍蝦炒飯. 南澳龍蝦, 賣相吸引, 啖啖肉, 食落鮮甜彈牙. 薄薄嘅芝士汁, 冇搶唒龍蝦味, 炒飯份量非常慷慨.📖 翻查資料: 波士頓龍蝦唔係龍蝦. 波士頓龍蝦又名 “美州鰲龍蝦”, 係一種鰲蝦, 跟大陸盛行嘅小龍蝦同一個種類, 其實唔算係龍蝦.📖 翻查資料: 波士頓龍蝦唔係來自波士頓. 波士頓龍蝦生長於北大西洋寒冷海域, 包括加拿大和美國緬因州, 而波士頓係龍蝦集散地, 產品貼咗 “源自波士頓” 嘅標籤!📖 澳洲龍蝦主要分南澳同埋西澳. 南澳龍蝦 (又名澳洲石龍), 肉質飽滿鮮甜細緻, 非常適合刺身. 而西澳龍蝦 (又名澳洲紅龍), 相對冇咁厚肉, 又較抵食.🍀 黑醋蒜蓉炒芥蘭. 芥蘭嫩滑, 誠意之作.🤗 總結: 雖然預算有限, 餐廳定價又貴, 竟然覺得抵食喎! 相比其他米芝蓮一星中西餐廳, “六福” 嘅格局明顯屬另類層次. 飯店裝修, 冇爛枱爛凳, 環境舒適, 座位闊落. 服務貼心到位, 有溫度, 十個讚! 講番食物, 食材新鮮優質, 烹調功夫一流, 菜式設計具心思, 唔係齋蒸齋烚, 驚喜位包括 椒鹽鮮鮑魚, 天婦羅蠔包生菜, 薑蔥炒蟶子, 事隔數日仍然回味.📖 江湖傳聞: “勝記” 原持有少少 “六福” 股份, 近年 “勝記” 某股東 買起 “六福”, 兩間餐再無股東股權關係 continue reading
(The above review is the personal opinion of a user which does not represent OpenRice's point of view.)
Level4 2023-10-17
1717 views
休漁期過後,大家都趕快想嚐魚鮮,今日就約了幾位好友到西貢米芝蓮名店「六福菜館」食好野。友人是常客,跟店員很熟絡,所以叫店員介紹當日最新鮮海鮮和烹調方法,我們亦投以充足的信心一於好好的品嚐。白灼赤米蝦先來的是不常有的海赤米蝦,體型雖然細小,但食落便知蝦味濃郁,鮮味十足,真係令人食唔停口。椒鹽奇脆豆腐件件外皮炸至金黃,又薄又脆的外皮,包裹住豆香嫩滑的豆腐,外脆內嫩,正到不得了。豉椒炒聖子皇用豉椒來烹調聖子皇,肉厚鮮甜,惹味可口。蜜糖骨用一字骨先炸後燴,肉質紮實而不韌,外層沾滿了蜜汁,香甜可口。油鹽水蒸油臘魚睇過名人介紹「六福菜館」用簡單的油盬水蒸出鮮味海魚。今晚店員也特意挑選手吊油臘魚仔來配合油鹽水蒸,上檯時外觀沒什麼特別,但用筷子輕輕一推,潔白的魚肉從骨骼脫出,放入口中濃郁魚香和豐厚魚油在口中迅速爆發,真係好唔捨得食完,滋味到想再點多兩條來食。薑米炒龍蝦球我們想食龍蝦,店員馬上介紹新食法,將龍蝦作兩食。首先用薑米炒龍蝦配上西蘭花,龍蝦球肉質一梳梳,雪白彈牙,味道帶有清香的薑味。龍蝦食法一直以來大多上湯燴或芝士焗,原來用薑米來炒龍蝦球都十分清爽清新。龍蝦折肉焗飯第二食是將龍蝦折出來的肉來炒飯,再用芝士汁焗飯,咸香適中,連食兩大碗都不成問題。醋炒芥蘭將芥蘭去除外層的粗硬纖維,再加入醋內炒,味道獨特有趣。總括來講今晚的美食,真令人充滿驚喜,原來有咁多不同的新食法,一是一餐極享受的晚餐。 continue reading
(The above review is the personal opinion of a user which does not represent OpenRice's point of view.)
今日同老婆兩人慶祝自己生日,去到西貢一定要食吓海鮮。之前同親友買過幾次海鮮去六福煮。佢最拿手我地一致覺得係椒鹽鮑魚。我地係艇家買咗本地龍蝦,角螺仔,鮑魚當然唔少得去六福整。上湯米粉底龍蝦非常正,椒鹽鮑魚唔食唔得。但今次啲白灼角螺仔就出咗少少事。可能係啲螺太新鮮,白灼完縮得好入,入到係撩唔。其實之前係屋企整過都知有可能會咁,所以問侍應希望廚房幫忙打碎個螺頭方便撩出。不過六福位男侍應只係一句話好難撩都無辦法,廚房亦無工具,還笑說如果食唔到就帶返屋企。最後有位好好嘅資深女侍應叫男嘅攞去用錘試下,同提醒佢整好記得洗淨先好比返客人食。最後當然係無成功到。我地為有用盡酒樓有嘅工具,千辛萬苦先整到出嚟食。味道係鮮味。但對於收$260白灼煮功嘅六福,我個人係有微言:廚房師傅應該可以多些明白食材特質,同為怎樣令食客可以享用美食多一點心思。舉例廚房可以唔切開隻龍蝦煮,但為咗能入味同食客可以容易食都會切開;侍應亦可以做多些幫忙,不應該只係說無能為力。這次經驗實在令我對這店有點失去信心。 continue reading
(The above review is the personal opinion of a user which does not represent OpenRice's point of view.)
Level3 2024-02-22
207 views
品嘗美味海鮮📞 非常值得推介嘅一家海鮮餐廳,好幸福呢餐友好人請客,完全唔使擔心價錢,我哋只要留肚按時入座就得啦,亦因為友人跟經理相熟,所以能夠食到靚海鮮,而且經理有耐心講解,服務相當周到,仲免咗開瓶費。📝 六福菜館——米芝蓮一星,西貢四大嘗鮮餐廳之一,以高品質烹飪作招徠,位於西貢市場街,佔地三層,廚師根據客人推薦菜餚:黃金脆豆腐魚湯浸花甲薑蔥炒蟶子煎米粉椒鹽鮮鮑魚芝士龍蝦炒飯天婦羅捅壕生菜包欖角蜜糖骨黑醋蒜蓉炒芥蘭🎖️ 呢餐係我體驗最深印象嘅一餐,自己一個人就絕對唔會食到,今次除了獲取嘗鮮嘅新知,也重新認識了同行友人們嘅多面,互相認真學習分享嘅樂趣。 continue reading
(The above review is the personal opinion of a user which does not represent OpenRice's point of view.)
Level3 2024-01-20
179 views
走進呢間西貢嘅食肆,第一樣打入眼簾嘅就係佢個窗外嗰一片翠綠。擺正一預心情,諗住今晚要來一場味覺盛宴🍽️。第一輪上嘅係特色小菜——椒鹽豆腐,外皮嘅脆口度同裡面嘅嫩滑完美啲融合,個味夠晒惹味,一啖一啖無咁快食完都好難嘅!緊隨其後嘅係金黃色嘅蜜糖欖角骨,輕咬一口,外 crispy 內嫩,啖啖肉感加上淡淡欖香,簡直係雞同蜜密嘅完美結合。仲有個豉椒炒蟶子皇,正宗度喺天秤嗰一端重!海味夠哂,蟶子夾住豉椒嘅鮮香,大啖屙汁,食中仲伴隨微微辣味,爽口得嚟惹味。最後嘅招牌鹽水蒸小魚,喺呢家食肆裡面,佢真係做到明星級嘅表現。梗係要食最好嘅一刻,任憑蔥花唱主角,個魚鮮甜得嚟肉質Q彈,一啖落去,全世界都靜止咗🤤。食完之後,感覺唔錯,好似食咗一場有情調嘅音樂會,每一款菜都好有層次,宜家胃囊滿足,心情都大好。来啲冰凍檸檬茶,完美收官🍋。呢個夜晚,真係餐餐好滋味! continue reading
(The above review is the personal opinion of a user which does not represent OpenRice's point of view.)