Read full review
2016-10-24
7044 views
要數香港特色美食，茶餐廳的沙嗲牛肉面一定係我心目中的首選。係香港要搵沙嗲牛肉面真係一間都係，但係要搵到好食的沙嗲牛肉面一D都唔易。興幸係灣仔番工可以食到一間令我滿意的茶記，永遠都需要排隊的金鳳！金鳳名氣之大，甚至見過外國遊客拎住旅遊書摸上門，可謂係灣仔區的澳牛！座位比較迫，但係大家都習慣呢種身貼身的飲食文化，互相禮讓。呢度的凍啡同埋凍奶茶都係冰鎮，即係唔會加冰，令到飲品唔會愈飲愈淡，保持濃郁的味道。凍奶茶夠哂滑，而且茶味好香，入口好舒服。奶味剛剛好，唔會太甜。沙嗲汁超多的牛肉面，牛肉超多，而且沙嗲汁非常入味。面質唔會煮得太腍，保持面質的爽口。最鍾意係佢超多沙嗲汁，令到湯味夠哂濃，唔會好似出面D茶記只係放味精。超愛金鳳的奄列，絕對唔係出面茶記D行貨。奄列大大份，而且勁厚，差唔多可以遮哂成隻碟。蛋煎得唔會過老，切開奄列重有少量蛋汁流出黎，伴埋超夠料的火腿真係好過癮。菠蘿包超厚超大個，表面脆卜卜，好香牛油味。伴碟的有一舊牛油，可以自行選擇是否切開面包夾住食。呢個，呢度的雞批同埋蛋撻都係推介之選，15-30分鐘就出一盤熱辣辣又脹卜卜的批撻出黎，超好食！
金鳳名氣之大，甚至見過外國遊客拎住旅遊書摸上門，可謂係灣仔區的澳牛！
座位比較迫，但係大家都習慣呢種身貼身的飲食文化，互相禮讓。
凍奶茶
77 views
0 likes
0 comments
沙嗲牛肉面
124 views
0 likes
0 comments
菠蘿包丶奄列
83 views
0 likes
0 comments
菠蘿包超厚超大個，表面脆卜卜，好香牛油味。伴碟的有一舊牛油，可以自行選擇是否切開面包夾住食。
呢個，呢度的雞批同埋蛋撻都係推介之選，15-30分鐘就出一盤熱辣辣又脹卜卜的批撻出黎，超好食！
Post
