殿 大喜屋

Open Now

Now Closed

上月媽媽節至食過，今次輪到爸爸節了。準時1200到達，先黎刺身順住食，新鮮程度不在話下，拖羅入口即溶化令人失控。珍珠鮑魚仔夠彈牙，桌上提供鉸剪貼心易處理，令我松葉蟹腳追住食。和牛薄燒配醬汁，肉質非常嫩滑，醮醬汁食好滋味。鵝肝帶子壽司體積細細，過過口癮好滿足。鹽燒牛舌必食之選，簡單調味鹽跟黑椒，加上師傅功力燒到啱啱好，有油香又易咬。即炸吉列蠔醮專屬醬汁簡直一絕。排隊攞嘅海膽手卷用料豐富且新鮮，可惜飯比較多，一件好了。炒虎蝦拼啤酒啫喱，大大隻啖啖蝦肉口感Q彈，啤酒啫喱被面頭嘅山楂片蓋過吃不出啤酒味。甜品我選擇冰淇淋，吃盡品牌雪糕同日本直送牛奶冰條，濃厚牛乳味又唔太甜，激讚