殿 大喜屋

Open Now

Now Closed

今晚同朋友嚟到尖沙咀呢間殿 大喜屋，有別於大喜屋其他分店，果然係殿堂級嘅意思。環境好大，樓底好高，好寬闊嘅空間給客人用膳👍🏻感覺好舒服。食物方面超多種類，中日西樣樣都🈶️，食物仲好高質素，性價比好高。食物方面手機落單同自助區，自助區有涼拌、熱食、沙律、炸物、水果及甜品…飲品有汽水啤酒，連紅🍷白🥂酒同清酒🍶都係任飲。甜品自助區有豆腐花、迷你蛋糕、甜品杯、馬卡龍、泡芙…連布丁燒，巴斯克芝士蛋糕都有得食😋最正係任食多款Haagen dazs 同Movenpick雪糕！！！✦刺身方面~我哋點左拖羅、三文魚、帶子、赤蝦、松葉蟹腳等等…全部刺身厚切好新鮮。拖羅超肥美、松葉蟹腳好鮮甜、赤蝦嫰滑爽甜。✦壽司方面~點左好多款創意壽司，其中香芒龍蝦膏甜蝦壽司最具有特色、鮑魚拖羅蓉海膽杯用料上乘，好精緻。✦燒物方面~ 除咗點平時串燒外，必食鹽燒大頭蝦大大隻，蝦頭多蝦膏，勁鮮甜，用鹽燒方法更加提升鮮味。✦熟食方面~推介花雕醉鮑魚，原隻鮑魚淡淡清香酒味。薄燒和牛燒約七成熟，油脂四溢，配上炸蒜片口感更豐富。一品花膠盛，花膠又厚又大，好滋補。✦甜品方面~必食海燕窩椰汁燉木瓜，原隻木瓜上🤩清甜滋潤、好養顏。