段純貞X日出茶太 (The Johnston)

Open Now

Now Closed

第一次嚟灣仔「段純貞X日出茶太」，室內環境裝修係行台灣小清新風，餐廳Staff好有禮貌，而且食物出品都唔錯。*此餐廳收取全單10%服務費。濃湯燉雞麵手工麵（單點$88），雞脾好大隻，肉質嫩滑，肉味濃厚，濃雞湯湯底色澤乳白色，雞味濃香，手工麵口感厚身，配料包括有油麥菜、酸菜、香蔥。招牌紅燒腱心牛肉麵細麵（單點$86），牛腱心好大件，肉質軟腍、帶有筋位，牛味濃厚，細麵口感幼細，容易掛湯，紅燒湯底飲落帶有藥材味道、帶點微辣，配料包括有油麥菜、酸菜、香蔥。台式滷菜（單點$58），好足料，包括有杏鮑菇、娃娃菜、豆乾、麵根、花生，食落好入味。鹽酥雞（單點$58），口感外酥脆內嫩滑，味道鹹香。蒜醬青菜（單點$48），唐生菜口感爽脆，配以蒜醬食用，食落好香口。熱純貞芋園四號（單點$48），紫薯泥、芋泥口感綿密，味道清甜，三色芋圓口感煙韌，透明珍珠、黑糖珍珠口感Q彈。大杯700mL凍飲蒟蒻晶球烏龍茶拿鐵（單點$44），少冰、微糖30%，蒟蒻晶球味道微甜，略嫌烏龍茶茶味偏淡。