滿屋日本料理 (Closed)

最近武漢肺炎環境下都少左好多出街食飯，但今日一個係外團國返嚟嘅朋友約我食飯，所以揀咗間多種類嘅放題同佢食🥰滿屋放題以前次次黎都坐爆人，可能最近受疫症影響，人真係少咗好多，但係都有一半滿，入門口嘅時候要量體溫同埋有消毒液洗手👍🏻👍🏻👍🏻兩個人都有卡位坐🥰🥰，嘢食就萬變不離其中，都係超多款，特別想講下嘅係銅鑼灣呢間分店外面buffet個位置都幾多嘢食，有炸物、凍海鮮、沙律、甜品、仲有熱飲區（有熱水機+茶包）唔使成日飲凍野❤️今日刺身同壽司🍣都好新鮮😍特別係海膽吞拿魚茸👍🏻海膽手卷👍🏻凡立貝刺身👍🏻花之戀👍🏻 另外串燒既牛舌👍🏻又滑又夠味，燒羊架都係必點，朋友都食到舔舔脷，種類實在太多😆😆 睇相簡單d ☺️☺️☺️希望佢撐住繼續做落去，因為性價比高既餐廳真係越來越少😭😭❤️❤️