真‧章魚無雙 (Moved) New Location

葵廣咁多間掃街小食店，呢間章魚🐙燒「真‧章魚無雙 」一直都咁深得我心！開業至今都有好幾年，依然屹立不倒，可見有幾多食客支持！😏佢過人之處就係章魚燒嘅款式夠多，味道又唔錯，黑松露呀，櫻花蝦呀，明太子呀，蟹籽呀，樣樣都好吸引～不過今次食完，發現此一時，不同彼一時了。真‧黑松露章魚燒（$40/8粒 ）章魚燒冇以前咁大粒，裏面嘅章魚🐙亦冇咁多，得一細粒嘅章魚腳，冇以前咁真材實料，醬料就依然保持住水準，黑松露醬松露香十足，不過黑飛魚籽都冇以前好似排山倒海咁多啦，但都算可接受嘅，可以改善嘅係，希望價錢調整嘅同時，份量和質素唔好越黎越少或差啦。美味指數：😋😋😋抵食指數：💰💰💰