Video
Read full review
2022-02-06
103 views
一向係蟹迷嘅我，之前喺銅鑼灣經過呢間小店，一直想食好耐，終於氹到我家姐陪我去試下。海之幸沙律呢個沙律好大份好豐富，有好多沙律菜同埋角切三文魚，每粒三文魚都切到好厚身好新鮮 ，加埋佢比嘅沙律醬汁少少酸，係一個好好嘅開胃菜五點刺身呢個刺身有五款，包括有齊我最愛嘅海膽，仲有赤蝦，赤貝，三文魚同池魚。海膽夠creamy同埋甜，赤蝦就大大隻 彈牙新鮮，整體滿刺身都唔錯水雲伴松葉蟹肉波波呢個蟹肉波波係將啲蟹肉切成一個大嘅球體，加埋少少沙律菜，個醬汁同海之幸沙律係一樣嘅，由於整體都係啖啖肉所以食落好滿足。鱈場蟹腳浜燒 呢個蟹腳嚟到已經好香木香燒烤味，蟹肉嫩滑，仲有汁，真係好正好好味， 可以話好食過清蒸添松葉蟹甲羅燒 甲羅燒係有埋蝦餅附送嘅，唔夠仲可以叫佢哋加添，蟹膏好鹹香，加埋脆卜卜嘅蝦餅簡直係絕配 ，呢個就好似一個小食咁樣樣，真係食極都唔夠喉呀。松葉蟹腳海鮮天婦羅 天婦羅驚喜地超出色，炸衣好薄，但係入面嘅海鮮都勁嫩滑 ，蟹肉一如既往嘅處理得好，仲有我最鍾意嘅日本蕃薯仔，口感軟糯仲要好甜。鱈場蟹釜飯 最後嘅蟹釜飯入面有好多好多嘅蟹肉，自己撈埋其他配料同埋黑松露醬，冇諗過同蟹肉係咁夾嘅，黑松露清香，再
海之幸沙律
呢個沙律好大份好豐富，有好多沙律菜同埋角切三文魚，每粒三文魚都切到好厚身好新鮮 ，加埋佢比嘅沙律醬汁少少酸，係一個好好嘅開胃菜
五點刺身
呢個刺身有五款，包括有齊我最愛嘅海膽，仲有赤蝦，赤貝，三文魚同池魚。海膽夠creamy同埋甜，赤蝦就大大隻 彈牙新鮮，整體滿刺身都唔錯
水雲伴松葉蟹肉波波
呢個蟹肉波波係將啲蟹肉切成一個大嘅球體，加埋少少沙律菜，個醬汁同海之幸沙律係一樣嘅，由於整體都係啖啖肉所以食落好滿足。
鱈場蟹腳浜燒
呢個蟹腳嚟到已經好香木香燒烤味，蟹肉嫩滑，仲有汁，真係好正好好味， 可以話好食過清蒸添
松葉蟹甲羅燒
甲羅燒係有埋蝦餅附送嘅，唔夠仲可以叫佢哋加添，蟹膏好鹹香，加埋脆卜卜嘅蝦餅簡直係絕配 ，呢個就好似一個小食咁樣樣，真係食極都唔夠喉呀。
松葉蟹腳海鮮天婦羅
天婦羅驚喜地超出色，炸衣好薄，但係入面嘅海鮮都勁嫩滑 ，蟹肉一如既往嘅處理得好，仲有我最鍾意嘅日本蕃薯仔，口感軟糯仲要好甜。
鱈場蟹釜飯
最後嘅蟹釜飯入面有好多好多嘅蟹肉，自己撈埋其他配料同埋黑松露醬，冇諗過同蟹肉係咁夾嘅，黑松露清香，再加埋一絲絲嘅蟹肉，就算幾飽我都食咗兩大碗飯
整體嚟講，呢間店嘅蟹肉全部都處理得好出色，刺身等等都係中上程度，環境坐得都好舒服，服務唔錯，等我想食蟹嘅時候再嚟encore先。
Post
