壹玖陸零 (Closed)

觀塘區食飯，連鎖店無咩新意又唔抵，想平一係就頹飯，見依間新開，貪新鮮一試，點知格調、賣相、味道好有驚喜。一入門，有復古、英倫feel，模式似中環西餐廳/特色私房菜，餐牌選擇唔多，今次就試左個傳統卡邦尼先，個汁較得好靚，有蛋香、忌廉香，唔係出面街d死芡咁，頭盤個湯同個包好有驚喜，個包應該係麥包來，睇得出唔係大路普通貨，個茄湯好香濃，濃得來酸度甜度適中，結實有茄感，連包點完放入口一流。要講缺點的話，位唔算好多，仲有客預先book左位，我一坐低唔夠10分鐘就開始爆，好彩早到否則有機會會無位，另外唔同連鎖店人海戰術，人手唔多，有時忙起上來會少少慢，不過服務好好，自己調節下心情慢活下就ok（反正佢地都唔介意，坐耐d休息下仲好）餐廳無論食物、每個細節，都睇得出班廚同搞手好有心機，只係茶木價錢，好味、坐得舒服仲可以打卡，強烈推薦。