Video
Read full review
2021-04-20
49 views
何蘭正越搬越近，唔止近左老蘭，個場大左座位好闊落坐得安全舒服，冷氣涼浸浸，行斜路上去都唔係問題！好有heart 嘅waitress 姐姐熱心向我地講解，經過新改革，何蘭正推出左多款lunch set, 個lunch menu 咁多款選擇真係好吸引！甫坐低偷望隔離枱嘅漢堡包餐個賣相好正。而我地因為係薯蓉嘅粉絲，一見到個小食就揀左松葉蟹肉雞油花雕薯蓉$68，真係今餐嘅亮點，夠哂香滑，有濃郁嘅花雕味，又有蟹肉增加層次感，好無敵，食完已經好肯定呢道菜回頭率好高！主菜烤三文魚柳$138，用上楓糖醬油醃製，咸咸甜甜嘅味道好有特色，而配菜嘅炸薯仔就淋上蟹籽甜酸汁，同個三文魚有強烈對比。三文魚肉質鬆軟多汁，仲有好罕見嘅粗碌花生芽菜，食落一d 芽菜味都冇，爽脆有啲似食蘆荀嘅感覺好過癮。另一道主菜，係黑毛豬叉燒煎蛋豬油飯$178，份量大碗，用左珍珠米配上韓式紫菜，一啖煙韌飯香同一啖厚切叉燒，撈飯一流！餐廳好有心搵左本地炒豆師，炒兩款豆，有nutty 同 fruity 豆揀。我杯doppio $35就有朱古力同caramel 嘅nutty 味，double shot 嘅espresso 好濃烈。earl g
甫坐低偷望隔離枱嘅漢堡包餐個賣相好正。而我地因為係薯蓉嘅粉絲，一見到個小食就揀左松葉蟹肉雞油花雕薯蓉$68，真係今餐嘅亮點，夠哂香滑，有濃郁嘅花雕味，又有蟹肉增加層次感，好無敵，食完已經好肯定呢道菜回頭率好高！
主菜烤三文魚柳$138，用上楓糖醬油醃製，咸咸甜甜嘅味道好有特色，而配菜嘅炸薯仔就淋上蟹籽甜酸汁，同個三文魚有強烈對比。三文魚肉質鬆軟多汁，仲有好罕見嘅粗碌花生芽菜，食落一d 芽菜味都冇，爽脆有啲似食蘆荀嘅感覺好過癮。
另一道主菜，係黑毛豬叉燒煎蛋豬油飯$178，份量大碗，用左珍珠米配上韓式紫菜，一啖煙韌飯香同一啖厚切叉燒，撈飯一流！
餐廳好有心搵左本地炒豆師，炒兩款豆，有nutty 同 fruity 豆揀。我杯doppio $35就有朱古力同caramel 嘅nutty 味，double shot 嘅espresso 好濃烈。
earl gray latte $50係冇咖啡嘅，只有茶同奶，香滑奶味濃，有多款特色嘅non coffee 嘅茶飲latte 可供選擇，啱哂我位唔飲咖啡嘅朋友。
食完已經好飽，今次食唔落甜品喇>< 下次黎要試埋佢d 甜品先得啊！
Post
