弁慶 御好燒 鐵板燒

Open Now

Now Closed

老公近排嘅同事話俾佢聽，香港開咗一間猛龍過江嘅大阪鐵板燒！一直對日本心心念念嘅我，終於可以食返一餐真正嘅日本風味👍🏻蠔大阪燒一步步部地望住廚師去製作整個大阪燒，實在係眼前一亮，味道香噴噴，食落醬汁嘅味道唔會太濃，而且口感不俗。蠔肉嘅鹹香亦都慢慢滲進大阪燒當中，食落肉汁四淺。👍🏻大阪御好燒加麵定食 大阪燒加面相信係澱粉質愛好者嘅配搭之一 ，整體感覺好香口亦並不會太油膩，麵條帶甜香，夾係中間帶有口感，更重要嘅係呢一個午市套餐仲包括埋麵豉湯、沙津添，性價比贏盡中環。👍🏻鰻魚玉子卷單單睇餐牌覺得價錢不菲，但係味道絕對對得起，半流心嘅玉子入口滑溜，蛋香濃厚。👍🏻鹿兒島和牛肉由日藉師傅烹調更感日本風味，牛味香盛，油脂豐腴，熟成度堪稱完美，點上蒜片、Wasabi、蘿蔔蓉各有特色。