Video
3-min walk from Exit D2, Central MTR Station
continue reading
Telephone
28902800
Opening Hours
Today
12:00 - 15:00
18:00 - 00:00
Mon - Thu
12:00 - 15:00
18:00 - 00:00
Fri - Sat
12:00 - 15:00
18:00 - 01:00
Sun
12:00 - 15:00
18:00 - 00:00
Above information is for reference only. Please check details with the restaurant.
今晚同朋友去咗中環士丹利街嘅 弁慶御好燒鐵板燒，真係一個味蕾同視覺嘅雙重享受！👀👅 呢間由大阪過江龍、日本人主理嘅餐廳，將正宗大阪燒嘅風味帶到中環，仲好有氣氛🩷餐廳氣氛好日式，裝修簡約又有格調，仲可以睇住大廚係你面前即場煮食，好有參與感🍳✨ 精選推介✨1️⃣ Tsukune (雞肉丸)
🌟 鮮嫩雞肉丸，配埋醬汁同蔥花，仲有滑溜溜嘅蛋黃喺上面，拌勻之後香味即刻撲鼻！雞肉丸外層煎得微焦，內裡保持濕潤，口感一流💯2️⃣ Oyster Okonomiyaki (蠔御好燒)
💥 主角級別嘅蠔御好燒，份量十足！蠔夠鮮甜，加上芝士同蔥嘅額外 topping，香濃又有層次，咬落仲有啖啖汁，簡直係完美嘅 comfort food🦪🧀3️⃣ Garlic Fried Rice (蒜香炒飯)
🍚 蒜香炒飯係必點！炒得粒粒分明，飯香蒜味濃，仲夠鑊氣！每一啖都令人回味無窮，完全係鐵板燒嘅靈魂配角🌟4️⃣ Roast Beef (燒牛肉)
🥩 牛肉片薄得嚟份量唔少，配埋日式芥辣醬，鮮嫩又唔會過腍，超適合做前菜，值得一試✨🍹 飲品推介🥃 鮮果特飲 Lemon Sour，酸酸甜甜好解膩；而 Apple Juice 就係清新自然嘅選擇，平衡晒鐵板燒嘅濃郁味道！🍋🍎👨🍳 鐵板燒現場秀廚師熟練嘅鐵板技術，睇住佢哋煮嘢真係一種享受！🔥 鐵板香氣加埋啲滋滋聲，好治癒呀～整體服務都幾貼心，雖然店員可能唔係咁聽得明，但都好有禮貌又細心🫶
continue reading
朝聖日本過江龍大阪燒名店🌟弁慶BENKEI御好燒鐵板燒🌟非常出名既必食，真。日本人主理，成日都好爆好多人，鐵板燒正，大阪燒更正🤞🏻氣氛一流，識坐一定坐吧枱，可以望住師傅整超吸睛😻有好多唔同既調酒同特飲，Lemon SOUR都唔錯#大阪燒 時間❤️🔥望住由一個粉漿加煙肉燒到脆加醬汁同配料真係好好既表演👏🏻熱熔芝士大阪燒，賣相好正，岩漿式既芝士🧀食落又滑又好味，幾特別既大阪燒，芝士控可以一試👍🏻🐻勞蘇食🐻永遠的推介 —— 蠔大阪燒🩵擺盤靚到，生蠔外面香口，蠔肉好好好濃，勁正🤤加埋大阪燒極之夾既味道，令人溶化，真係一試難忘🫶🏻#鐵板燒 時間🍖燒牛舌，鐵板燒風味又同串燒好唔同，外香得黎，肉質非常juicy👍🏻牛味勁濃，配個黑椒醬好好味😆味噌大蒜炒雞頸肉，我最愛既雞頸肉，第一次鐵板燒整，有咬口但保持嫩，好好味😋追加左個牛筋煮，牛筋腍滑，好入味，推介一試😎朝聖即係朝聖，整體質素係非常高，大阪燒真係必食🥳飲住生啤食鐵板燒依個體驗太太太爽了吧🎌
continue reading
中環「弁慶 御好燒 鐵板燒」餐廳全由日本人主理，感覺彷彿置身於日本，選擇坐吧枱座位可以近距離欣賞到廚師即席製作料理嘅過程，我最鍾意Lunch Time過嚟食，因為比較高CP值，有齊主食、沙律、湯品、前菜、茗茶。*此餐廳收取全單10%服務費。鹽麴烤伊比利亞豬（單點$132），伊比利豬油花呈大理石紋路，肉質肥瘦適中，油脂味濃，配以生菜、韓式泡白菜、大蔥絲食用，可以解膩，類似韓式生菜包肉食法。肉片炒雜菜定食（單點$128），肉片食落好Juicy，肉味濃厚，配搭炒雜菜，令雜菜食落帶有肉片油香，雜菜包括有洋蔥、芽菜、椰菜、香蔥，白飯採用珍珠米製作。京都九條蔥燒（單點$108），表面鋪滿番荽、沙律醬，內有大量九條蔥，食落非常香口，蛋餅食落蛋香味濃，配以日式醬油食用，味道更佳。沙律（跟餐$0），內有苦菊、羅馬生菜、紫椰菜、紅毛生菜、車厘茄，配以黑醋沙律汁食用，味道清新。前菜（跟餐$0），切干大根煮，採用日式白蘿蔔乾絲、木耳絲、紅蘿蔔絲、香蔥製作，加入日式芝麻油作簡單調味，味道清爽。味噌湯（跟餐$0），內有炸豆皮，味道正宗。雪見大福配抹茶紅豆（單點$63），雪見大福糯米皮口感軟糯，香草口味雪糕口感幼滑，味道濃郁，配以抹茶粉、紅豆粒食用，甜而不膩。甜品（跟餐$0），抹茶蕨餅，口感煙韌，食落帶有茶香回甘；紅豆白玉糰子串，白玉糰子配以紅豆泥食用，甜度適中；雪見大福，配以沖繩黑糖蜜食用，味道香甜。沖繩香檸可爾必思梳打（單點$65），味道酸甜，飲落好清爽。烏龍茶（單點$25），茶味濃香。茗茶（跟餐$0）。
continue reading
想食到正宗大阪風味嘅大阪燒, 我會推薦呢間！食過幾次, 回頭率相當高！由日本師傅主理🧑🏻🍳, 坐喺鐵板燒吧枱可以近距離欣賞日籍師傅烹調料理, 而且呢度個氣氛有置身於日本當地食鐵板燒嘅感覺🇯🇵！除咗大阪燒之外, 亦有供應各款鐵板燒料理㗎！𓌉◯𓇋 京都九條蔥燒大阪燒推介👍🏻 おいしい～！ 即叫即製, 大阪燒裡面加入豚肉同大量京都產嘅九條蔥, 最後淋上御好燒醬汁同美乃滋, 甘甜濃郁！大阪燒頂層同底層煎至焦脆, 內裏鬆軟, 建議撒上枱上供應嘅海苔粉作調味, 非常滋味😋！𓌉◯𓇋 九條蔥海苔醬磯邊餅燒年糕煙韌軟糯, 配搭九條葱海苔醬調味, 連埋紫菜一齊放入口, 味道幾特別！𓌉◯𓇋 明太日本玉子卷 推介👍🏻 玉子卷口感蓬鬆嫩滑, 仍留有蛋汁, 有着濃濃嘅蛋香！裏面加入明太子, 加添一點鹹香味～𓌉◯𓇋 鐵板燒牛舌表面煎至微微焦脆, 食落有彈牙嘅口感, 有肉汁～ 𓌉◯𓇋 帆立貝大大粒, 肉身厚實彈牙, 鮮味十足！
continue reading
呢間係黎自大阪既老字號過江龍，由日本人主理，主打正宗關西風御好燒 (大阪燒)，將椰菜🥬、豬腩片🐷、葱段等材料加落去由日式上湯🥣製成既麪糊，跟住廚師👨🏻🍳會喺客人面前用鐵板整好御好燒，加入小松家既原創秘製醬汁、蛋黃醬及紫魚片，好味又有儀式感👍🏻 坐鐵板吧枱仲可以睇住佢地整tim幾有feel🤩(5 😍 係滿分，🤩係半分） 豪華大阪御好燒 🔥🫓 - $148 (好味指數：😍😍😍😍🤩)唔怪得叫做豪華，裡面有幾多海鮮😍 啲蝦🦐幾大隻，開左邊方便刨殼同入味，入面啖啖肉，鮮甜彈牙又香口～ 啲厚切帶子粒⚪️質感細膩軟糯，味道清甜～ 而八爪魚🐙風味濃厚，嫩滑煙韌～ 配埋酸酸甜甜又惹味開胃🤤既醬汁、香口既餅🫓、清甜爽脆既椰菜🥬同埋有油香既豬腩片🐷，層次豐富又唔覺得油膩，幾好食😋蠔大阪燒 🦪🔥🫓 - $158 (好味指數：😍😍😍😍🤩)上面鋪滿左好多隻蠔🦪😍 全部都顏色雪白，肥美飽滿，味道濃厚鮮美，海水味🌊重，creamy綿滑又juicy，燒完🔥仲有啲焦香👍🏻 一樣配左酸甜開胃🤤既醬汁、香口既餅🫓、清甜既椰菜🥬同埋有鹹香既豬腩片🐷，一樣滿足唔油膩😌鹽麴烤伊比利亞豬 🐷 - $132 (好味指數：😍😍😍😍😍)原材料夠靚已經贏左一半🤩 伊比利亞豬🐷生長喺西班牙🇪🇸南部同西南部，幼年放養野外以野草🌱、香草🌱同橄欖🫒等維生，到8∼10個月大既時候就開始大量食用橡實🌰 所以有大理石紋咁既般油花，有豐腴既脂香又唔覺得油膩～ 肥瘦適中，啲肉入口即化，有橡樹果實🌰既芳香，肉味濃郁，加熱之後更加香氣四溢，用鹽🧂提鮮已經好好食😋九條蔥海苔醬磯邊餅 🫓 - $48 (好味指數：😍😍😍😍)見期間限定就試下新野，估唔到幾特別同幾夾～ 鹹鹹甜甜既感覺好得意，有惹味既蔥油香味同埋香口微鹹既海苔香味，配埋出面香脆既紫菜同埋煙韌既麻糬一齊食，口感豐富幾唔錯👍🏻雪見大福配抹茶紅豆 ❄️⚪️🍵🫘 - $63 (好味指數：😍😍😍😍)食完熱辣辣🔥既燒野之後食翻個凍冰冰既甜品真係正🤤 出面既大福皮軟熟煙韌，包住軟滑細膩、帶有奶香🥛既清香雲呢拿雪糕🍦，感覺滿足😌 配埋甘甜綿密既紅豆🫘同埋有清新海苔香味既抹茶粉🍵就更加有層次感～ 如果抹茶粉🍵可以左多啲就更加好啦柚子梳打 🍊🍹 - $30 & 蘋果汁🧃 - $20兩樣都有清新芳香既果香，酸酸甜甜，可以消濟開胃🤤好味指數：😍😍😍😍🤩推介指數：😍😍😍😍🤩
continue reading