渝味曉宇重慶老火鍋 (QRE Plaza) (Closed)

正宗麻辣鍋，渝味呢間類既舖係香港都比較少見，佢個麻辣鍋絕對值得推介，因個麻香比出面好多舖都做得比較出色，最緊要係個食法夠曬正宗，配上麻油+香生蒜，唔似出面d火鍋店嚴咁，仲係用緊d港式調味，即係豉油+辣椒仔+蒜，用麻油可以調和左部份麻，有提鮮提香既成用，仲可以保護到個胃，食落都健康d。環境方面，佢個裝修都唔錯，夠曬闊落，4人枱可以坐足6個人都得，所以坐得係幾舒服，仲有入座仲送個糖水比你，有d人覺得奇怪，一開始就食甜品？原來食飲完個糖水，可以有d野係個胃，包護個胃，食辣都要食得有技巧嫁嗎。火鍋配料方面，整體食材都算唔錯，幾新鮮，最鐘意個前菜炸物，夠曬香口，放去個鍋卓一卓，再點麻油，食落好惹味好香口。